17 Again

17 Again
Regisseur Burr Steers
Produksieleier Adam Shankman
Jennifer Gibgot
Draaiboek Jason Filardi
Keenan Donahue
Met Zac Efron
Leslie Mann
Thomas Lennon
Sterling Knight
Michelle Trachtenberg
Matthew Perry
Musiek deur Rolfe Kent
Kinematografie Tim Suhrstedt
Redigeerder Padraic McKinley
Ateljee Offspring Entertainment
Verspreider New Line Cinema
Uitgereik 17 April 2009
Speeltyd 102 minute
Land Verenigde State van Amerika
Taal Engels
Begroting $20 miljoen (skatting)[1]
Bruto wins $135 964 569[2]
[www.17againmovie.com Amptelike webtuiste]
IMDb-profiel

17 Again (Afrikaans: Weer 17) is 'n Amerikaanse fantasie-komedierolprent deur Burr Steers wat in 2009 deur New Line Cinema versprei is. In die Verenigde State van Amerika is dit op 17 April 2009 uitgereik. Dit is op 11 Augustus 2009 op DVD en Blu-Ray vrygestel.[3]

Intrige

[wysig | wysig bron]

Bederwingswaarskuwing: Die storielyn of storie se einde volg hieronder.

Mike O'Donnell (Zac Efron) was in 1989 'n suksesvolle hoërskoolleerder. Dit was amper asof hy alles goed gehad het toe sy meisie, Scarlet Porter (Allison Miller) hom voor 'n basketbalwedstryd inlig dat sy verwagtend is. Op daardie oomblik neem hy die besluit om alles weg te gooi (insluitende basketbal en 'n kans op 'n beurs) en maak hy 'n huweliksvoorstel aan haar.

Omtrent twintig jaar later kom Mike (Matthew Perry) se lewe tot 'n staanstil. Scarlet (Leslie Mann) het van hom geskei en hy moes noodgedwonge by sy bleeksiel- en ryk bestevriend, Ned Gold (Thomas Lennon) intrek. Sy loopbaan het geen rigting nie en sy kinders, Maggie (Michelle Trachtenberg) en Alex (Sterling Knight) wil niks met hom te doen hê nie. Nadat hy Hayden High School besoek om oor die lewe wat hy weggegooi het na te dink, loop hy 'n misterieuse terreinvoorman (Brian Doyle-Murray) raak. Op pad huis toe sien hy die voorman op die rand van 'n brug staan — skynbaar van plan om selfmoord te pleeg. Mike hardloop na hom toe, maar sy weg word tydelik deur 'n verbygaande bus versper. Wanneer hy die brugsrand bereik, is die voorman nêrens te siene nie, maar is daar 'n eienaardige draaikolk onder die brug. Mike gly en val by die draaikolk in, verloor sy bewussyn en word weer op die brug wakker. Wanneer hy by die huis aankom, besef hy dat hy magies in sy 17-jaar oue self verander is.

Ned sien Mike in sy huis en dink dat hy 'n dief is. Derhalwe raak hy met Mike in 'n bakleiery betrokke, terwyl Mike probeer bewys dat hy die regte Mike is. Ned sien egter 'n foto en besef dat dit die werklike Mike is. Gevolglik gee hy homself as Mike se vader voor en skryf hy hom onder die alias Mark Gold by Hayden High in. Mike glo hy het die kans gekry om sy lewe oor te hê en probeer om dit hierdie keer reg te doen. Hy ontdek dat Maggie met die basketbalkaptein, Stan (Hunter Parrish) uitgaan en dat dié Alex afknou. Hy besef sy werklike missie is om sy kinders te help, en derhalwe bevriend hy beide Alex en Maggie. Met "Mark" se hulp kry Alex 'n plek in die basketbalspan asook die meisie wat hy begeer. Mark betroos Maggie wanneer sy deur Stan afgesê word omdat sy geweier het om seks met hom te hê. Mark ontmoet ook Scarlet en help haar haar tuin versier. Hy bekom 'n nuwe waardering vir haar en dans met haar op die wysie waarop hulle by hul troue gedans het, voordat sy op 'n afsprakie gaan. Mark en Scarlet belewe duidelik 'n konneksie terwyl hulle dans en was op die oomblik om te soen toe Alex die vertrek betree. Eers blyk sy onverskillig te reageer ten opsigte van haar seun se teenwoordigheid, maar dan voel sy skielik verleë en beklemtoon sy aan Mark dat sy Alex se moeder is en dat hierdie situasie onvanpas is.

Intussen voel Ned aangetrokke tot die skoolhoof van Hayden High, Jane Masterson (Melora Hardin). Alhoewel sy probeerslae om haar te "peacock" faal, kliek hulle gou oor 'n gemeenskaplike liefde vir The Lord of the Rings. Toe hy haar egter na sy huis terugneem, ontdek hulle 'n heersende partytjie wat buite beheer blyk te wees. Die okkasie is die viering van Alex se wendoel in 'n basketbalwedstryd. Scarlet verskyn en soek Alex. Mike vertel haar dat Alex 'n meisie voor die einde van die partytjie sal hê, en neem haar op na die balkon om haar te wys. Terwyl hulle praat, vlam Mike se gevoelens vir haar weer op, veral wanneer sy aan hom sê dat hy 'n deel van hul gesin geword het. Maar wanneer hy haar soen, is sy met afgryse vervul. Sy klap hom deur die gesig en noem hom 'n "weirdo little man, child" (vreemde klein mannetjie, kind). Hy hardloop haar agterna en probeer haar vertel dat hy Mike is. Hierdie gebeurtenis word deur Maggie en haar vriendinne waargeneem; hulle is ontstig, veral omdat Maggie 'n gevoel vir Mark begin ontwikkel het.

Die volgende oggend herinner Ned Mike daaraan dat dit die dag van sy skeiverhoor met Scarlet is. "Mark" verskyn in die hof en lees 'n brief voor wat skynbaar deur Mike O'Donnell geskryf is. Scarlet word deur die brief geroer. Wanneer sy ontdek dat die "brief" bloot 'n nota met aanwysings op is, besef sy dat "Mark" onvoorbereid gepraat het. Later, by die kampioenskapwedstryd, maak Mike 'n gebaar wat Scarlet as eie aan die ou Mike onthou. Sy besef sy verkeer in presies dieselfde situasie as twintig jaar vantevore, en daarom vlug sy van die toneel. Mike oorhandig die bal aan Alex, wat die wendoel skiet, en volg Scarlet. Hy hardloop weer deur 'n draaikolk en verander in sy grootmensself. Mike belowe Scarlet om die res van sy lewe aan die heropbou van hul verhouding te bestee. Scarlet en Mike soen en word herenig.

In die gelukkige einde is Mike volledig en gelukkig met sy familie herenig. Hy word die afrigter van die Hayden High-basketbalspan terwyl Ned en Me. Masterson in 'n verhouding blyk te wees.

Rolverdeling

[wysig | wysig bron]

Verwysings

[wysig | wysig bron]
  1. ↑ "Box office / business for 17 Again (2009)". Internetrolprentdatabasis (in Engels). Geargiveer vanaf die oorspronklike op 28 November 2017. Besoek op 22 April 2009.
  2. ↑ "17 Again (2009)" (in Engels). Box Office Mojo. Geargiveer vanaf die oorspronklike op 15 Desember 2018. Besoek op 19 Augustus 2009.
  3. ↑ Amazon

Eksterne skakels

[wysig | wysig bron]