Abelisauridae

Abelisauridae
Tydperk: Middel-Jura-Laat Kryt 170–66 m. jaar gelede
’n Gerekonstrueerde skelet van Aucasaurus garridoi.
Wetenskaplike klassifikasie
Koninkryk:
Animalia
Filum:
Chordata
Klas:
Reptilia
Superorde:
Dinosauria
Orde:
Saurischia
Suborde:
Theropoda
Superfamilie:
Abelisauroidea
Familie:
Abelisauridae

(Bonaparte & Novas, 1985)
Subgroepe
  • †Genusaurus
  • †Kryptops
  • †Rugops
  • †Tarascosaurus
  • †Vitakridrinda
  • †Xenotarsosaurus
  • †Carnotaurinae
  • †Majungasaurinae
Groottevergelyking van vyf abelisourides met 'n mens
Abelisauridae
Kladistiese klassifikasie
Koninkryk: Animalia
Filum: Chordata
Klade: Dinosauria
Klade: Theropoda
Klade: Abelisauria
Familie: Abelisauridae
(Bonaparte & Novas, 1985)

Abelisauridae ("Abel se akkedisse") is ’n familie (of klade) teropode-dinosourusse. Hulle het tydens die Kryt-periode floreer op die antieke superkontinent Gondwana, en hul oorblyfsels word vandag aangetref op die moderne kontinente Afrika en Suid-Amerika, sowel as op die Indiese subkontinent en die eiland Madagaskar. Hulle het in die vroeë Middel-Jura hul verskyning gemaak en minstens een spesie, Majungasaurus crenatissimus, het tot aan die einde van die Mesosoïese Era 66 miljoen jaar gelede oorleef.

Die dinosourusse is genoem na Roberto Abel, wat Abelisaurus ontdek het, en van die Griekse woord σαυρος sauros, "akkedis". Soos die meeste teropodes was abelisourides tweevoetige karnivore. Hulle het stewige agterpote gehad en hul skedels was vol gleuwe en holtes. Hoewel die skedels gewissel het, was hulle gewoonlik baie hoog en kort. Hul snoete was stomp voor, anders as in baie ander teropodes.[1]

Tipies van Ceratosauria, het hulle vier vingers aan elke hand gehad, maar hulle het nie ’n gewrig gehad nie; die vier handpalmbene was regstreeks aan die voorarm vas. Die binneste en buitenste vingers het nie vingerbene gehad nie en was baie kort en onbeweeglik.

Verwysings

[wysig | wysig bron]
  1. ↑ "Oktober/November 2013, Abstracts Of Papers, 73rd Annual Meeting" (PDF). Society of Vertebrate Paleontology. 2013. Geargiveer vanaf die oorspronklike (PDF) op 29 Oktober 2013. Besoek op 27 Oktober 2013.