Albertosaurus

Hierdie artikel bevat nie ’n bronnelys nie, wat beteken dat die inhoud nie geverifieer kan word nie.
Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.
Die grootte van verskeie soorte tirannosourides in vergelyking met die mens. (bron)

Albertosaurus
Tydperk: Laat Kryt 71–68 m. jaar gelede
↓
’n Gietsel van ’n Albertosaurus-skelet (Muséum national d'histoire naturelle).
Wetenskaplike klassifikasie
Koninkryk:
Animalia
Filum:
Chordata
Klas:
Sauropsida
Superorde:
Dinosauria
Orde:
Saurischia
Suborde:
Theropoda
Superfamilie:
Coelurosauria
Familie:
Tyrannosauridae
Genus:
Albertosaurus

(Osborn, 1905)
Bionominale naam
†Albertosaurus sarcophagus
Albertosaurus
Kladistiese klassifikasie
Koninkryk: Animalia
Filum: Chordata
Klade: Dinosauria
Klade: Theropoda
Familie: Tyrannosauridae
Genus: Albertosaurus
(Osborn, 1905)

Albertosaurus ("Alberta-akkedis") was ’n genus Tyrannosauridae-dinosourusse wat sowat 70 miljoen jaar gelede tydens die Laat Kryt-periode in westelike Noord-Amerika voorgekom het. Die enigste spesie, A. sarcophagus, was blykbaar beperk tot die hedendaagse Kanadese provinsie Alberta, vandaar die naam. Sommige wetenskaplikes beskou Gorgosaurus libratus as ’n tweede spesie van dié genus.

As ’n tirannosouride was Albertosaurus ’n tweevoetige roofdier met twee vingers aan die voorpote en ’n massiewe kop met tientalle groot, skerp tande. Dit was moontlik aan die bopunt van die voedselketting in sy ekosisteem. Hoewel hy redelik groot was vir ’n teropode, was die albertosourus baie kleiner as sy meer bekende verwant Tyrannosaurus. Dit het waarskynlik minder as 2 ton geweeg.

Sedert die eerste ontdekking in 1884 is fossiele van meer as 30 diere gevind. Die ontdekking van 26 individue op een terrein dui daarop dat hulle in troppe kon voorgekom het.