Amerikaanse leeu

Amerikaanse leeu
Tydperk: Pleistoseen, 0.34–0.011 m. jaar gelede
↓
Ook bekend as: Panthera leo atrox
’n Rekonstruksie van die Amerikaanse leeu.
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Felidae
Genus: Panthera
Spesie: P. leo
Subspesie: †P. l. atrox
Trinomiale naam
Panthera leo atrox
Leidy, 1853

Die Amerikaanse leeu (Panthera leo atrox of P. atrox) is ’n leeu van die familie Felidae wat tydens die Pleistoseen-epog (340 000 tot 11 000 jaar gelede) endemies aan Noord-Amerika en noordwestelike Suid-Amerika was.[1] Genetiese studies het getoon dit was ’n susterlyn van die Asiatiese grotleeu, Panthera leo spelaea.[2]

Beskrywing

[wysig | wysig bron]
’n Skelet van die Amerikaanse leeu.

Die Amerikaanse leeu is een van die grootste katspesies wat al bestaan het – effens groter as die primitiewe grotleeu van die vroeë Middel-Pleistoseen, P. leo fossilis, en sowat 25% groter as die moderne Afrika-leeu.[3]

Dit het vermoedelik in Noord-Amerika ontstaan en later na Suid-Amerika gemigreer.[4] Sy lengte sonder sy stert was na raming 1,6 tot 2,5 m[5] en sy skouerhoogte sowat 1,2 m. Volgens ’n onlangse studie het mannetjies tussen sowat 256 en 351 kg geweeg.[6]

Omtrent 100 fossiele van die dier is in Los Angeles ontdek.

In sommige gebiede het die Amerikaanse leeu in baie koue toestande geleef. Hulle het waarskynlik in grotte teen die koue geskuil[7] en hul lêplekke met gras en blare bedek, soos die Siberiese tier.[7]

Die spesie het dieselfde tyd as baie ander diere tydens die Kwartêre Uitwissing uitgesterf, moontlik omdat baie van hul prooi verdwyn het. Menslike jagters kon ook daartoe help bydra het.[5][7]

Verwysings

[wysig | wysig bron]
  1. ↑ Strauss, Bob. "American Lion (Panthera leo atrox)". About.Com Dinosaurs (in Engels). The New York Times Company. Geargiveer vanaf die oorspronklike op 27 September 2016. Besoek op 10 Maart 2012.
  2. ↑ Barnett, R.; Shapiro, B.; Barnes, I. A. N.; Ho, S. Y. W.; Burger, J.; Yamaguchi, N.; Higham, T. F. G.; Wheeler, H. T.; Rosendahl, W.; Sher, A. V.; Sotnikova, M.; Kuznetsova, T.; Baryshnikov, G. F.; Martin, L. D.; Harington, C. R.; Burns, J. A.; Cooper, A. (2009). "Phylogeography of lions (Panthera leo ssp.) reveals three distinct taxa and a late Pleistocene reduction in genetic diversity". Molecular Ecology 18 (8): 1668–1677. doi:10.1111/j.1365-294X.2009.04134.x
  3. ↑ Deméré, Tom. "SDNHM Fossil Field Guide: Panthera atrox" (in Engels). Geargiveer vanaf die oorspronklike op 23 Maart 2020. Besoek op 18 Mei 2010.
  4. ↑ Kurtén, B., en E. Anderson. 1980. Pleistocene mammals of North America. Columbia University Press, New York
  5. ↑ 5,0 5,1 Anderson, Elaine (1984), "Who's Who in the Pleistocene: A Mammalian Bestiary", in Martin, P. S.; Klein, R. G., Quaternary Extinctions, The University of Arizona Press, ISBN 0-8165-1100-4, http://google.com/books?id=qIDC7ybvHQEC&pg=PA59 
  6. ↑ Christiansen, Per, & Harris, John M. (2009). "Craniomandibular Morphology and Phylogenetic Affinities of Panthera atrox: Implications for the Evolution and Paleobiology of the Lion Lineage". Journal of Vertebrate Paleontology. 29 (3): 934–945. doi:10.1671/039.029.0314.{{cite journal}}: AS1-onderhoud: gebruik authors-parameter (link)
  7. ↑ 7,0 7,1 7,2 Harington, C.R. (1996). "American lion" (in Engels). Yukon Beringia Interpretative Center. Geargiveer vanaf die oorspronklike op 19 Januarie 2016. Besoek op 10 Maart 2012.

Eksterne skakels

[wysig | wysig bron]