Askold

’n Kaart van Kiëf-Roes in die 9de eeu.

Askold (Haskuldr in Ou Oos-Noors en Höskuldr in Ou Wes-Noors) was ’n prins van Kiëf en die stigter van die eerste Wikingstaat aan die Dnieper.[1] Hy is algemeen gewild na aanleiding van die Primêre Kronieke, waarvolgens hy en nog ’n woiwode, Dir, in die 870's van die clan van Rjoerik, leier van Kiëf-Roes, was. Die kronieke gee te kenne dat hulle nie sy familie of van koninklike afkoms was nie.

Primêre Kronieke

[wysig | wysig bron]

Volgens die Primêre Kronieke was Askold en Dir op pad na Tsargrad (Konstantinopel) toe hulle op ’n klein stad op ’n heuwel aan die Dnieper afkom. Toe hulle uitvra, is aan hulle vertel dit is Kiëf, wat gebou is deur drie broers, Ki, Sjtsjek en Chorif. Hulle was voorouers van die inwoners, wat nou heffings aan die Chasare betaal. Askold en Dir het hulle in die stad gevestig en ’n klomp mede-Warangiërs bymekaargemaak om ook daar te kom woon. Hulle het oor die stad en die omringende gebied begin heers. Volgens die Kronieke is hulle omstreeks 882 deur prins Oleg vermoor.

Aanval op Konstantinopel

[wysig | wysig bron]

Die Roesvolk se aanval op Konstantinopel in Junie 860 het die Grieke onkant betrap en die omringende gebied is verwoes.[2] Patriarg Photios van Konstantinopel het die verwoesting van die voorstede en nabygeleë eilande beskryf,[3] en ’n ander verslag bevestig die bloedbad.[4] Die aanval was die eerste skermutseling tussen die Roes en die Bisantyne en het daartoe gelei dat die patriarg sendelinge noord gestuur het om die Roes en die Slawiërs te bekeer.[5]

Hoewel die Primêre Kronieke die aanval met Askold en Dir verbind (en die datum 866 noem), word dit deur geleerdes bevraagteken.

Verwysings

[wysig | wysig bron]
  1. ↑ Kotljar, M. Askold. Small Dictionary of History of Ukraine. "Lybid". Kiev 1997
  2. ↑ Georgije Ostrogorski, History of the Byzantine State (2002), p.228; George Majeska, "Rus' and the Byzantine Empire", A Companion to Russian History (Abbott Gleason, red., 2009), p.51.
  3. ↑ F. Donald Logan, The Vikings in History (2005), pp.172–73.
  4. ↑ The Life of St. George of Amastris. David Jenkins, The Life of St. George of Amastris Geargiveer 5 Augustus 2019 op Wayback Machine (University of Notre Dame Press, 2001), p.18.
  5. ↑ Dimitri Obolensky, Byzantium and the Slavs (1994), p.245.

Eksterne skakels

[wysig | wysig bron]