Athol Trollip

Athol Trollip
Athol Trollip
Athol Trollip in 2009
Provinsiale voorsitter van ActionSA in die Oos-Kaap
Ampsbekleër
Termynaanvang
9 Februarie 2022
Leier Herman Mashaba
Voorafgegaan deur nuwe pos
Burgemeester van die Nelson Mandelabaai Metro
Ampstermyn
18 Augustus 2016 – 27 Augustus 2018
Voorafgegaan deur Danny Jordaan
Opgevolg deur Mongameli Bobani
Federale Voorsitter van die Demokratiese Alliansie
Ampstermyn
10 Mei 2015 – 23 Oktober 2019
Voorafgegaan deur Wilmot James
Ampstermyn
5 Junie 2013 – 18 Augustus 2016
Persoonlike besonderhede
Gebore 12 Maart 1964 (1964-03-12) (60 jaar oud)
Bedford, Oos-Kaap
Politieke party Progressiewe Federale Party (1980-1989)
Demokratiese Alliansie (1995-2020)
ActionSA (Feb 2022 -)
Eggenoot/-note Angela Trollip
Kind(ers) 2

Roland Athol Price Trollip (gebore 12 Maart 1964) is 'n Suid-Afrikaanse politikus en sedert Februarie 2022 'n lid van ActionSA. Hy was etlike jare lank 'n lid en leier van die Demokratiese Alliansie en was vanaf 18 Augustus 2016 tot 27 Augustus 2018 burgemeester van die Nelson Mandelabaai Metropolitaanse Munisipaliteit in die Oos-Kaap.[1]

Vroeë lewe

[wysig | wysig bron]

Athol Trollip is op Bedford in die Oos-Kaap gebore waar hy ook skoolgegaan het. By Woodridge College het hy onderhoofseun geword en was hy kaptein van rugby, swem, waterpolo en branderplankry en lewensredding se eerste spanne. Hy is met Angela getroud en hulle het twee kinders, Roland en Kate.[2]

Loopbaan

[wysig | wysig bron]

Trollip is in 1999 tot die Oos-Kaapse Provinsiale Wetgewer verkies nadat hy van 1995 as munisipale raadslid in die Amathole-distriksmunisipaliteit gedien het. Hy het in 2002 provinsiale leier geword toe hy die voormalige Nasionale Party provinsiale leier, Tertius Delport, naelskraap verslaan het. Trollip se oupa, ook Athol Trollip, was parlementslid vir die Verenigde Party vir Port Elizabeth-Sentraal in die 1950's[3] en sy vader, Douglas, was 'n afdelingsraadslid van die Smaldeel-afdelingsraad.[2]

Op 11 Januarie 2007 het hy by 'n perskonferensie aangekondig dat hy vir die Demokratiese Alliansie se leierverkiesing in Mei sou staan.[2] In Oktober 2011 het Lindiwe Mazibuko hom verslaan in die stryd om die DA se parlementêre leier te word.[4][5]

Hy was die leier van die Demokratiese Alliansie in die Oos-Kaapprovinsie totdat hy op 6 Mei 2017 deur Nqaba Bhanga vervang is.[6]

Trollip is aangewys as burgemeester van Nelson Mandelabaai Metropolitaanse Munisipaliteit nadat hy die DA tot 'n oorwinning gelei het in die munisipale verkiesing op 3 Augustus 2016.[7][8] Sy party het 57 van die 120 raadsetels gewen, vergeleke met die ANC se 50.

Hy is op 27 Augustus 2018 na 'n mosie van wantroue uit hierdie amp verwyder[9] en met Mongameli Bobani van die UDM vervang.[1] Die politieke wiel draai en Bobani is sélf op 5 Desember 2019 deur middel van 'n mosie van wantroue uit sy amp as burgemeester verwyder.[10] Trollip bedank ook hierdie dag "finaal" uit die politiek.

Hy het by Herman Mashaba se "Action SA" politieke party aangesluit op 9 Februarie 2022,[11] en is dadelik die pos van provinsiale voorsitter van ActionSA in die Oos-Kaap aangebied.

Verwysings

[wysig | wysig bron]
  1. ↑ 1,0 1,1 "Nuwe burgemeester vir Nelson Mandelabaai". Maroela Media. 27 Augustus 2018. Geargiveer vanaf die oorspronklike op 9 Oktober 2019. Besoek op 27 Augustus 2018.
  2. ↑ 2,0 2,1 2,2 (en) Trollip enters DA leader race, Besoek op 18 Maart 2007
  3. ↑ ’n Familieman met ’n tradisie van leierskap[dooie skakel] Beeld, 17 Januarie 2007
  4. ↑ (en) Times Live
  5. ↑ (en) Times Live
  6. ↑ (en) "DA elects Nqaba Bhanga as E Cape's new leader", SABC Digital News, 6 Mei 2017.
  7. ↑ (en) DA's Athol Trollip officially elected mayor of Nelson Mandela Bay. URL besoek op 18 Augustus 2016.
  8. ↑ (en) DA's Athol Trollip elected Nelson Mandela Bay mayor despite ANC disruptions. URL besoek op 20 Augustus 2016.
  9. ↑ "Nog 'n terugslag vir DA in die Baai". Maroela Media. 13 September 2018. Besoek op 13 September 2018.
  10. ↑ "Baai se burgemeester verwyder". Maroela Media. 5 Desember 2019. Geargiveer vanaf die oorspronklike op 13 Januarie 2020. Besoek op 5 Desember 2019.
  11. ↑ (in en) ActionSA welcomes Athol Trollip in Gqeberha, https://www.youtube.com/watch?v=ZueNhs9rqBk, besoek op 2022-02-09