Barry Bonds

Barry Bonds moker 'n bal.

Barry Bonds (1964-) is 'n voormalige Amerikaanse bofbalspeler. Hy word as een van die bestes nog beskou.[1] Bonds word veral onthou vir die 73 boflopies ("homeruns") waarmee hy Mark McGwire se rekord in 2001 laat spat het (meeste lopies in een seisoen). Sy pa, Bobby Bonds, was ook 'n professionele bofbalspeler.[2]

Barry Lamar Bonds is op 24 Julie 1964, in Riverside, Kalifornië gebore. Hy speel vir die grootste deel van sy loopbaan vir die San Francisco Giants in Major League Baseball. Hy het verskeie rekords op sy naam. Op 4 Augustus 2007 ewenaar hy Hank Aaron se lopie-rekord (755), om die titel 3 dae later (7 Augustus) met 'n boflopie teen die Washington Nationals vir homself op te eis.

Bonds doen veldwerk.

Bonds se loopbaan was omstrede. Hy was byvoorbeeld 'n sentrale figuur in die steroïed-skandaal wat bofbal in 2007 geruk het. Hy is aangekla op aanklagte van meineed en dwarsboming van die gereg, omdat hy na bewering oor sy gebruik van steroïedes gejok het. Die meineed-klagte is laat vaar en hy aan dwarsboming skuldig bevind. Sy skuldigbevinding is egter in 2015 ter syde gestel.[3]

Verwysings

[wysig | wysig bron]
  1. ↑ HAT Taal-en-feitegids, Pearson, Desember 2013, ISBN 978-1-77578-243-8
  2. ↑ "Barry Bonds Biography" (in Engels). Bio/A&E Television Networks, LLC. Geargiveer vanaf die oorspronklike op 23 Maart 2018. Besoek op 20 Februarie 2016.
  3. ↑ Egelko, Bob (22 April 2014). "Appeals court overturns Barry Bonds' obstruction conviction". San Francisco Chronicle (in Engels). Geargiveer vanaf die oorspronklike op 9 Augustus 2019. Besoek op 23 April 2015.

Eksterne skakels

[wysig | wysig bron]