Battersea

Battersea
Voorstad
Battersea se ikoniese kragsentrale
Battersea se ikoniese kragsentrale
Battersea is in Groter Londen
Battersea
Battersea
Koördinate: 51°27′50″N 0°10′04″W / 51.46389°N 0.16778°W / 51.46389; -0.16778
LandVlag van Verenigde Koninkryk Verenigde Koninkryk
Land Engeland
GraafskapGroter Londen
BoroughWandsworth
TydsoneUTC±00:00 (MGT)
 • SomertydUTC+01:00 (BST)
Poskode
SW11, SW8
Skakelkodes020

Battersea is 'n oorwegend residensiële buurt in suidelike Sentraal-Londen wat administratief aan die London Borough of Wandsworth behoort, met 'n bevolking van 75 651 in 2001. Battersea is aan die Teems se suidoewer en 2,9 myl (4,8 km) suidwes van Charing Cross geleë. Battersea Park is een van die grootste groen ruimtes in die suidweste van die Britse hoofstad.

Die Battersea-kragsentrale, een van Londen se ikoniese bakens en 'n uitstekende voorbeeld van industriële Art Deco-boukuns, het in die 1930's ontstaan. Nadat dit al meer as drie dekades gelede buite bedryf gestel is, het eiendomsontwikkelaars verskeie pogings onderneem om nuwe lewe in die onmiddelike omgewing van die kragsentrale te blaas. Almal het in die slag gebly en bankrot gespeel.[1] Eers in die 21ste eeu is 'n projek begin waarby befaamde argitekte soos Norman Foster en Frank Gehry betrokke was wat die buurt rondom die kragsentrale tot een van Londen se mees amibisieuse eiendomsprojekte ontwikkel het, met beleggings ter waarde van £9 miljard. Die buurt sal deur 'n nuwe moltreinstasie, Battersea Power Station, bedien word wat na verwagting saam met 'n winkelsentrum en ander geriewe in die herontwikkelde kragstasie teen 2020 ingewy sal word.

In Mei 2017 het die eerste 100 eienaars, onder wie bekende persoonlikhede soos die popsanger Sting en die oorlewingspesialis Bear Grylls, hul luukse woonstelle in Circus West Village-kompleks vlakby die voormalige kragsentrale betrek.[2]

Verwysings

[wysig | wysig bron]
  1. ↑ Deyan Sudjic: Design Museum – London in Fifty Design Icons. London: Conran Octopus 2015, bl. 60
  2. ↑ Julia Kollewe: Inside the new Battersea Power Station. In: The Guardian, 13 Mei 2017. Besoek op 14 Mei 2017

Eksterne skakels

[wysig | wysig bron]