Blarney
Blarney An Bhlarna | |
|---|---|
Dorp | |
 Die landskap rondom Blarney | |
  Blarney | |
| Koördinate: 51°55′59″N 8°34′05″W / 51.93306°N 8.56806°W | |
| Land |  Ierland |
| Provinsie | Munster |
| Graafskap | Cork |
| Hoogte | 55 m (180 ft) |
| Bevolking | |
| • Totaal | 5 310 |
| Tydsone | UTC+00:00 (MGT) |
| • Somertyd | UTC+01:00 (IST) |
Blarney (Iers-Gaelies: An Bhlarna) is 'n klein stad in die graafskap Cork, sowat 11 kilometer noordwes van die stad Cork in Ierland. Die bekendste toeriste-aantreklikheid van Blarney is sy kasteel, waarin die legendariese "Blarney Stone" te vinde is.
Kasteel van Blarney
[wysig | wysig bron]
Mense kom van reg oor die wêreld om Blarney se vervalle kasteel te besigtig. Die kasteel is voor die elfde eeu gebou, maar is in 1446 verwoes. Dit is egter deur Dermot McCarthy, die koning van Munster, heropgebou. Bo in die kasteel is 'n klip in die muur gemessel wat die "Stone of Eloquence" genoem word, maar beter bekend is onder die naam "Blarney Stone". Volgens legende sal enige persoon wat die klip soen welsprekend word.
Om die klip te soen moet mens plat op die rug lê en ver agteroor terughang. Met 'n bietjie hulp kan dit redelik maklik gedoen word. In vroeër tye was dit egter nie so maklik nie, en is mense aan hulle voete vasgehou om die klip te soen.
Die kasteel en die tradisie om die klip te soen is veral gewild onder Amerikaners. Die Ierse bevolking trek grootliks hul neuse daarvoor op. Nie so raar as mens besef dat die Blarney Stone in werklikheid 'n toilet was nie.
Eksterne skakels
[wysig | wysig bron]
Wikimedia Commons het meer media in die kategorie Blarney.
