Bloemhof

Bloemhof
Dorp
Bloemhofstasie
Bloemhof  Bloemhof se ligging in Noordwes
Koördinate: 27°39′0″S 25°35′24″O / 27.65000°S 25.59000°O / -27.65000; 25.59000
Land	Suid-Afrika
Provinsie	Noordwes
Distrik	Dr Ruth Segomotsi Mompati
Munisipaliteit	Lekwa-Teemane
Stigting	1864
Oppervlak [1]
• Totaal	50,9 km^2 (19,7 vk. myl)
Bevolking  (2011)[1]
• Totaal	27 904
• Digtheid	548/km^2 (1 420/vk. myl)
Rasverdeling (2011) [1]
• Wit mense	5.5%
• Indiërs/Asiërs	0.7%
• Bruin mense	9.5%
• Swart mense	83.9%
• Ander	0.4%
Taal (2011) [1]
• Tswana	65.4%
• Afrikaans	14.6%
• Sotho	7.2%
• Xhosa	6.6%
• Ander	6.3%
Poskode (strate)	2660
Poskode (posbusse)	2660
Skakelkode	053
Webwerf	http://www.bloemhof.co.za/

Hierdie artikel behandel die landelike dorp. Vir die skool, sien Hoër Meisieskool Bloemhof.

Bloemhof is 'n landelike dorp met gesamentlik 27 904 inwoners op die oewer van die Vaalrivier in die Noordwes-provinsie in Suid-Afrika.

Geskiedenis

Die dorp is in 1864 gestig nadat diamante in die area ontdek is. Die dorp is op John Barclay se plaas, Klipfontein, uitgelê. Barclay was 'n oorlewende van die HMS Birkenhead wat in 1852 by Danger Point gestrand het. Die plek is Bloemhof genoem na aanleiding van die pragtige tuine wat deur Barclay se dogter aangeplant is. Die dorp is in 1865 opgemeet en in 1869 geproklameer.

Die NG moederkerk Bloemhof is deur die argitek Gerard Moerdijk ontwerp.

Distrik

Die distrik is 1 733 km² groot. Die belangrikste bedrywighede is mielies en beesboerdery. Tussen Bloemhof en Christiana is daar verskeie soutpanne waar sout geoes word.

Die Bloemhofdam is een van die grootste damme in Suid-Afrika. Die N12 nasionale pad gaan deur Bloemhof.

Die sanger Bles Bridges is in 2000 in 'n padongeluk naby die dorp oorlede.

Skole

• Hoërskool Bloemhof

Toeristeaantreklikhede

• Die Bloemhofdamnatuurreservaat
• Sandveld-natuurreservaat
• SA Lombard-wildreservaat

Sien ook

• Gereformeerde kerk Bloemhof
• Lys van dorpe in Suid-Afrika
• NG gemeente Bloemhof

Verwysings

• Op Pad in Suid-Afrika. B.P.J. Erasmus. 1995. ISBN 1-86842-026-4

1. Som van die hoofplekke Bloemhof, Boitumelong en Coverndale tydens die 2011-Sensus.