Boeing C-17 Globemaster III
Die Boeing C-17 Globemaster III is 'n groot militêre straalaangedrewe vragvliegtuig. Dit is deur McDonnell Douglas ontwikkel vir die Amerikaanse Lugmag vanaf die 1980's tot die vroeë 2000's. Die vliegtuig dra die naam van die vorige twee suieraangedrewe militêre vragvliegtuie naamlik die Douglas C-74 Globemaster en die Douglas C-124 Globemaster II.
Die C-17 word oor die algemeen vir taktiese take aangewend, asook strategiese lugvervoermissies soos die vervoer van troepe en vrag regoor die wêreld. Ander take waarvoor die vliegtuig ook gebruik word is vir mediese afvoer en aflaai van voorrade met valskerms.
Die C-17 is ontwerp om die Lockheed C-141 Starlifter te vervang asook om sekere take van die Lockheed C-5 Galaxy oor te neem sodat die C-5 vloot slegs gebruik hoef te word om abnormaal groot vragte te vervoer.[1]
Verwysings
[wysig | wysig bron]- ↑ Norton 2001, pp. 12–13.
Eksterne skakels
[wysig | wysig bron]
Wikimedia Commons het meer media in die kategorie Boeing C-17 Globemaster III.
 | Hierdie lugvaartartikel is 'n saadjie. Jy kan Wikipedia help deur dit uit te brei. |
