Boetsja

Boetsja Буча
City
Boetsja stadpark
Vlag Wapen
Land	Oekraïne
Oblast	Kijif
Raion	Boetsja
Oppervlak
• Totaal	26,57 km^2 (10,26 vk. myl)
Bevolking  (2021)
• Totaal	36 971
• Digtheid	1 400/km^2 (3 600/vk. myl)
Skakelkodes	+380 4597
Webwerf	www.bucha-rada.gov.ua

Boetsja (Oekraïens: Буча, Oekraïens uitspraak: [ˈbut͡ʃɐ]) is 'n stad in die Oekraïne se Kijif-oblast. Die bevolking is ongeveer 36 971 (2021 geraam). Boetsja-dag word op 13 September in die stad gevier.

Geskiedenis

Die nedersetting het ontstaan met die bou van die Kijif-Kovel-spoorlyn in 1898 rondom 'n klein treinhalte by Boetsjarivier. Boetsja was 'n treinhalte van die Kijif-Kovel-spoorlyn soortgelyk aan een in die moderne stad Irpin. In die nabyheid van die Boetsja-treinhalte was daar 'n klein dorpie genaamd Yablunka, waar daar vroeër 'n baksteenfabriek was. Yablunka word in die 19de eeuse Poolse Geografiese woordeboek genoem as die dorpie Jabłonka 37 verst weg van Kijif.

Gedurende die Tweede Wêreldoorlog, voor die bevryding van Kijif van Nazi-magte in Desember 1943, was Boetsja die ligging van die hoofkwartier van die 1ste Oekraïense Front onder bevel van Generaal Vatutin.^[1]

Boetsja is op 9 Februarie 2006 stadstatus verleen (voorheen was Boetsja 'n dorp binne die Irpin-stadsmunisipaliteit.^[2]

Slag van Boetsja

Tydens die 2022 Russiese inval in die Oekraïne, het hewige gevegte in Boetsja plaasgevind as deel van die Kijif-offensief, wat ernstige Russiese verliese tot gevolg gehad het.^[3] Die stad is op 12 Maart deur Russiese magte ingeneem. Burgemeester Anatoliy Fedoruk het op 31 Maart 2022 die herowering van Boetsja deur Oekraïense magte aangekondig.^[4]

Op 7 April het die Russiese media Meduza 'n hommeltuig-video gepubliseer wat van 23 tot 30 Maart 2022 in Boetsja geneem is, wat bewys dat mense tydens die besetting van die dorp deur die Russe vermoor is.^[5]

Boetsja-massamoord

Sien hoofartikel: Slagting van Boetja

Op 2 April 2022 het nuusberigte en video verskyn wat die strate in Boetsja wys wat bedek is met die liggame van mans geklee in burgerlike klere. Van die wat gevind is, se hande is vasgebind.^[6] Onder die vermoordes was vroue en kinders. Volgens eerste skattings is ten minste 280 liggame gevind.^[7]

Op 7 April het die burgemeester van Boetsja, Anatoly Fedoruk, berig dat byna 90% van die dooie inwoners koeëlwonde gehad het, nie skrapnelwonde nie.^[8]

Galery

• 
  Shtamm se plattelandse huis ('n ruïne) in Boetsja
• 
  Boetsjastasie
• 
  Monument vir Michail Boelgakof
• 
  Stadstadion "Yuvileinyi"
• 
  Afghanistan-oorloggedenkteken

Verwysings

1. область, Бучанский сайт Буча Киевская (7 Mei 2010). "Генерал Ватутін був у Бучі" [General Vatutin was in Bucha]. Бучанський міський сайт (in Ukrainian). Besoek op 4 April 2022.
2. "Bucha". Verkhovna Rada of Ukraine. Geargiveer vanaf die oorspronklike op 24 Junie 2021.
3. Tiefenthäler, Ainara; Willis, Haley; Cardia, Alexander (27 Februarie 2022). "Videos show Russian losses on outskirts of Kyiv". The New York Times. Besoek op 27 Februarie 2022.
4. "Russian invasion of Ukraine, Chronicle". LIGA.net. 1 April 2022. Besoek op 1 April 2022.
5. Meduza Releases Critical Video Proving Civilians Killed in Bucha While Russian Troops were Stationed in the City
6. "War in Ukraine: Street in Bucha found strewn with dead bodies". BBC News (in Engels (VK)). 2 April 2022. Besoek op 2 April 2022.
7. "Ukraine: Retreat of Russian forces uncovers evidence of possible war crimes | International | EL PAÍS English Edition". web.archive.org. 4 April 2022. Geargiveer vanaf die oorspronklike op 4 April 2022. Besoek op 8 April 2022.
8. Almost 90% are bullet wounds, not shrapnel.” Mayor Buchi told how the bodies of the dead are being searched in the city. Brief retelling of his interview with Deutsche Welle//Meduza