Boheemse Paradys

Besienswaardighede in die Boheemse Paradys - met die kasteel Hrubá Skála in die voor- en die Trosky-kasteel in die agtergrond
Die bouval van die Trosky-kasteel is die simbool van die Boheemse Paradys
Die Kost-kasteel
'n Plaashuis in die tradisionele boustyl

Die Boheemse Paradys (Tsjeggies: Český ráj, Duits: Böhmisches Paradies) is 'n berglandskap in die noordooste van Boheme, een van die historiese lande van die Tsjeggiese Republiek. Die landskap, wat aan die middelloop van die Jizera-rivier (Duits: Iser) geleë is, staan veral bekend vir sy sandsteen wat as boumateriaal vir plaaslike nedersettings gedien het.

'n Deel van die streek word sedert 1955 as natuurberwaringsgebied beskerm (as die oudste van sy soort in Tsjeggië). Weens sy besonderse geologiese struktuur maak die gebied sedert 2005 deel uit van die netwerk van Europese Geoparke waarin 69 natuurbewaringsgebiede in 23 lande saamgesluit het.[1] Naas sy natuurskoon word toerisme in die Boheemse Paradys ook bevorder deur 'n groot verskeidenheid historiese monumente, waaronder kastele, museums en tradisionele volksboukuns.

Verwysings

[wysig | wysig bron]
  1. ↑ "europeangeoparks.org: Meet our Geoparks. Besoek op 13 Julie 2017". Geargiveer vanaf die oorspronklike op 7 November 2012. Besoek op 13 Julie 2017.