Boshof

Boshof
Dorp+township
Boshof is in Vrystaat
Boshof
Boshof
 Boshof se ligging in Vrystaat
Koördinate: 28°33′S 25°14′O / 28.550°S 25.233°O / -28.550; 25.233
LandVlag van Suid-Afrika Suid-Afrika
ProvinsieVrystaat
DistrikLejweleputswa
MunisipaliteitTokologo
Stigting1856[1]
Oppervlak
 • Totaal91,7 km2 (35,4 vk. myl)
Bevolking
 (2011)[2]
 • Totaal8 509
 • Digtheid93/km2 (240/vk. myl)
Rasverdeling (2011)
 • Wit mense10.1%
 • Indiërs/Asiërs0.4%
 • Bruin mense10.5%
 • Swart mense78.5%
 • Ander0.5%
Taal (2011)
 • Tswana 57.9%
 • Afrikaans 28.7%
 • Sotho 4.4%
 • Xhosa 3.8%
 • Ander 5.1%
Poskode (strate)
8340
Skakelkode053

Boshof is ’n dorp in die weste van die Vrystaat, in Suid-Afrika aan die R64 provinsiale pad, 120 km wes van die Vrystaatse hoofstad Bloemfontein en 55 km oos van die Noord-Kaapse hoofstad Kimberley.

Geskiedenis

[wysig | wysig bron]

Die dorp het oorspronklik bekend gestaan as Van Wyksvlei toe dr. Andrew Murray dit in 1856 op die plaas met dié naam uitgelê het. ’n Trekboer, ene D.S. Fourie het dit in 1839 van 'n Griekwa, ene Dawid Danster, gekoop. Die kerk koop die plaas in 1855 by Fourie en omdat die Vrystaatse president Jacobus Nicolaas Boshoff ingewillig het om as peetvader van die nuwe dorp op te tree, word dit na hom vernoem.

Tweede Vryheidsoorlog

[wysig | wysig bron]

Hewige gevegte het tydens die Tweede Vryheidsoorlog in April 1900 by Boshoff plaasgevind, waartydens die Franse vrywilliger, kolonel Georges de Villebois-Mareuil, gesneuwel het. (Die grootste NG-gemeente, Moreletapark, se een kerksentrum is in ’n straat in die ooste van Pretoria geleë wat na hom vernoem is.)

Volkspele

[wysig | wysig bron]

Volkspele, ’n tradisionele Afrikaanse dansvorm, het sy oorsprong op Boshof. Op 28 Februarie 1914, tydens ’n Sondagskoolpiekniek op die plaas Vuisfontein, is dit die eerste keer uitgevoer. Dit was die verwesenliking van ’n ideaal van dr. Samuel Pellissier, destyds onderhoof van die Hoërskool Boshof (Rooidakskool). Verskeie monumente vir Volkspele bestaan nog op Boshof en omgewing.

Omgewing

[wysig | wysig bron]

Boshof is ’n boerderygemeenskap waarvan die belangrikste skaap, bees- en wildboerdery is, en van die land se beste rooivleis word in die Boshof-omgewing geproduseer. Groot stoettelers het uitgestrekte plase in die omgewing.

Naas bestaande gipsmyne in die omgewing, word diamantmyne wat ’n paar jaar lank nie in bedryf was nie, nou weer in produksie gestel.

Persone in Boshof gebore

[wysig | wysig bron]

Besienswaardighede

[wysig | wysig bron]
  • NG kerkgebou wat in 1874 gebou is, in 1913 vergroot en in 1954 hernu is. By die kerk is ’n gedenknaald ter gedagtenis aan die boere wat in die Tweede Vryheidsoorlog gesneuwel het.
  • Die Chris van Niekerk-museum, waar uitstallings uit Boshof se verlede gesien kan word.
  • Die Bewaringsmuseum, waar items en geskrifte uit die onlangse verlede van Boshof en veral die eens bekende Rooidak-skool bewaar word.
  • Die Boshof-tronk, ’n pragtige klipgebou in 1891 opgerig en oorspronklik ontwerp vir Kroonstad.
  • Die Volkspelemonument, 3 km buite Boshof op die Christiana-pad, regoor die plaas Vuisfontein, waar die eerste Volkspele gehou is.
  • ’n Gedenkplaat ter ere van generaal Comte de Villebois-Mareuil (bevelvoerder van die Franse Legioen) op die plaas Middelkuil, 10 km oos van Boshof op die Bosvarkpad.
  • Boshof se kalkklip-ommuurde begraafplaas waar die grafte van gesneuweldes van die Tweede Vryheidsoorlog gesien kan word, onder meer dié van assistent-hoof-kommandant C.C.J. Badenhorst, die bevelvoerder van die NW-OVS-boeremagte, dié van generaal Comte de Villebois-Mareuil (wat later herbegrawe is), van sersant Patrick Campbell, vervreemde eggenoot van die befaamde aktrise en minnares van George Bernard Shaw.
  • Daar is ook talle gedenktekens vir gesneuwelde Engelse soldate. Die graf van Charles Gerhardus Marais, ouer broer van Eugene Marais, is ook hier.

Sien ook

[wysig | wysig bron]

Bronne

[wysig | wysig bron]
  • Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
  • Rosenthal, Eric (1967). Ensiklopedie van Suidelike Afrika.

Verwysings

[wysig | wysig bron]
  1. ↑ "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 30 April 2020.
  2. ↑ 2,0 2,1 2,2 2,3 Som van die hoofplekke Boshof en Seretse Sensus 2011.

Eksterne skakel

[wysig | wysig bron]

Geografiese ligging

[wysig | wysig bron]
Warrenton Hertzogville Bultfontein
Barkly West Dealesville
   Boshof    
Kimberley Koffiefontein Bloemfontein