Bosvaderlandswilg

Bosvaderlandswilg
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Rosids
Orde: Myrtales
Familie: Combretaceae
Genus: Combretum
Spesie:
C. kraussii
Binomiale naam
Combretum kraussii
Hochst., 1844
Sinonieme
  • Combretum nelsonii Dümmer
  • Combretum woodii Dümmer

Die Bosvaderlandswilg (Combretum kraussii) is 'n middelgroot tot groot boom[1] van oostelike Suid-Afrika, Eswatini en suidelike Mosambiek, wat binne of in die omgewing van woude aangetref word.[2] Die spesienaam roep Dr. F. Krauss in herinnering wat van 1838 tot 1840 'n versameltoer na Suid-Afrika onderneem het.[1]

Die plant se FSA-nommer is 540. [3] In Engels staan die boom bekend as forest bushwillow.[2]

Kenmerke

[wysig | wysig bron]

Die bome is half-bladwisselend, aangesien lenteblare die ou loof net deels vervang. Hierdie woudbome word in die laatlente opvallend, wanneer hul vars blare verkleur na 'n bleek, byna wit kleur, voor dit teen midsomer na groen terugverkleur.[4] In die winter word die lower deels rooi of pers, wat net voor die blomtyd gewissel word.[5] Die vars trosse viervlerkige vrugte het aanvanklik 'n kleurryke rooi tot geelrooi kleur, voor dit verdroog na midbruin.[4]

Verwantskappe

[wysig | wysig bron]

Die spesie is naverwant aan Combretum nelsonii[2][5] wat in meer rotsagtige habitat voorkom, en toon 'n ooreenkoms met Combretum woodii, 'n plant met groter blare en soortgelyke verspreiding, alhoewel in bosveld.[2]

Galery

[wysig | wysig bron]
  • volgroeide boom
    volgroeide boom
  • rooi winterloof
    rooi winterloof
  • samara (vrug)
    samara (vrug)
  • verdroogde vrugte, winter
    verdroogde vrugte, winter

Sien ook

[wysig | wysig bron]

Verwysings

[wysig | wysig bron]
  1. ↑ 1,0 1,1 Le Roux, Lou-Nita. "Combretum kraussii" (in Engels). Geargiveer vanaf die oorspronklike op 24 Desember 2016. Besoek op 14 Oktober 2011.
  2. ↑ 2,0 2,1 2,2 2,3 Van Wyk, Piet (1997). Field Guide to the Trees of Southern Africa. Kaapstad: Struik. p. 332. ISBN 1-86825-922-6.
  3. ↑ https://www.treetags.co.za/national-list-of-indigenous-trees/
  4. ↑ 4,0 4,1 Palgrave, K.C. (1984). Trees of Southern Africa. Kaapstad: Struik. p. 670. ISBN 0-86977-081-0.
  5. ↑ 5,0 5,1 Pooley, Elsa (1997). The Complete Field Guide to Trees of Natal, Zululand & Transkei. Durban: Natal Flora Publications Trust. p. 358. ISBN 0-620-17697-0.