Bugs Bunny

Bugs Bunny
Standbeeld van Bugs Bunny in Chittagong, Bangladesj.
Standbeeld van Bugs Bunny in Chittagong, Bangladesj.
Skepping
Eerste verskyning Porky's Hare Hunt (Vroeë weergawe) 30 April 1938
A Wild Hare (Amptelike weergawe) 20 Julie 1940
Geskep deur Ben Hardaway, Cal Dalton (prototipe)
Tex Avery (amptelik)
Stem Mel Blanc (1940–1989)
Jeff Bergman (1990–1992, 2003, 2011–hede)
Greg Burson (1991–1997)
Billy West (1996–2006)
Joe Alaskey (2000–2011)
Samuel Vincent (2001–2006)
Inligting
Spesie Konyn of haas
Geslag Manlik
Ander familie Honey Bunny (1966-1996)
Lola Bunny (1996-hede)
Nasionaliteit Vlag van Verenigde State van Amerika Verenigde State

Bugs Bunny is 'n haas in 'n strokiesprent wat gaande is oor wortels.[1] Die karakter is deur Warner Bros vir hulle tekenreekse Looney Tunes en Merrie Melodies geskep, en het een van die bekendste tekenfilmfigure ter wêreld geword.[2]

Bugs is veral bekend vir die frase "What's up, doc?" (in 'n New Yorkse aksent) wat die eerste keer op 27 Julie 1940 in A Wild Hare gehoor is. Bugs verskyn egter al in 1938 in 'n fliek van Porky Pig: Porky's Hare Hunt. Sedert sy debuut is Bugs in talle kortfilms, speelfilms, TV-reekse, strokiesprente, videospeletjies, pretparkritte en advertensies gebruik. Hy was die tweede tekenkarakter (na Mickey Mouse) om 'n ster op die Hollywood Walk of Fame te ontvang.[3]

Personage

[wysig | wysig bron]
Bugs Bunny

Bugs is 'n vermenslikte konyn of haas (daar word tot vandag toe bespiegel wat hy nou regtig is) met 'n grys-wit pels. Met uitsondering van sy wit handskoene, dra hy geen klere nie.

Bugs raak in bykans elk film waarin hy speel by 'n konflik met ander karakters betrokke, hoewel dit selde sy skuld is. Hy probeer meestal om konflik te vermy, maar as iemand hom kwaad maak, deins hy vir niks terug nie. Wanneer hy sy geduld verloor en openlik moeilikheid soek, kondig hy dit altyd aan met die sin: "Of course you realize, this means war!"

In die films van die jare dertig en veertig word Bugs as 'n wilde konyn uitgebeeld. So woon hy onder die grond in 'n gat. Hy gedra homself ook kinderagtig. In latere films word hy kalmer en gedra hy homself meer volwasse. In teenstelling tot ander tekenfilmfigure trek hy self maar selde aan die kortste end.

Geskiedenis

[wysig | wysig bron]
Bugs Bunny se ster op die Hollywood Walk of Fame.

Volgens historici is Bugs op 'n Walt Disney-karakter genaamd Max Hare gebaseer. Die karakter is deur Charlie Thorson vir die Silly Symphonies-film The Tortoise and the Hare ontwerp. 'n Prototipe van Bugs Bunny is al in 1938 in die film Porky's Hare Hunt gebruik.

Bugs maak sy amptelike debuut in 1940 in A Wild Hare. Dit word as Bugs se eerste amptelike optrede gesien, omdat hy in die film vir die eerste keer soos die Bugs Bunny wat mense tans ken lyk. Sy naam word vir die eerste keer in die daaropvolgende film, Elmer's Pet Rabbit, vermeld. Beide films was 'n groot sukses gewees, en het Bugs een van die bekendste karakters van die Looney Tunes-reeks gemaak. In ongeveer 1942 het Bugs ook die ster van die Merrie Melodies-reeks geword. Hy is daarna in talle film gebruik.

Bugs het ook van die doek/skerm af bekend geword. Hy word die gelukbringer vir Warner Bros, soos Mickey Mouse die gelukbringer van Disney was. Van 1943 tot 1946 was Bugs Bunny ook die gelukbringer van die Kingman Army-lugveld in Arizona gewees.

Stem-akteurs

[wysig | wysig bron]

Mel Blanc was die bekendste akteur agter Bugs Bunny se stem. Hy vertolk die rol vanaf Bugs se debuut, vir 51 jaar. Na sy dood in 1989 neem Jeff Bergman die rol oor. Ander akteurs wat vir Bugs gepraat het, is:

  • Billy West
  • Joe Alaskey
  • Samuel Vincent
  • Noel Blanc

Verdere naleeswerk

[wysig | wysig bron]
  • Bugs Bunny: 50 Years and Only One Grey Hare, deur Joe Adamson (1990), Henry Holt, ISBN 0-8050-1855-7
  • Looney Tunes and Merrie Melodies, deur Jerry Beck and Will Friedwald (1989), Henry Holt, ISBN 0-8050-0894-2
  • Chuck Amuck : The Life and Times of an Animated Cartoonist deur Chuck Jones, gepubliseer deur Farrar Straus & Giroux, ISBN 0-374-12348-9
  • That's Not All, Folks! deur Mel Blanc, Philip Bashe. Warner Books, ISBN 0-446-39089-5 (sagteband) ISBN 0-446-51244-3 (hardeband)
  • Of Mice and Magic: A History of American Animated Cartoons, Leonard Maltin, Revised Edition 1987, Plume ISBN 0-452-25993-2 (sagteband) ISBN 0-613-64753-X (hardeband)

Verwysings

[wysig | wysig bron]
  1. ↑ HAT Taal-en-feitegids, Pearson, Desember 2013, ISBN 978-1-77578-243-8
  2. ↑ "Most Portrayed Character in Film". Guinness World Records (in Engels). Mei 2011. Geargiveer vanaf die oorspronklike op 4 Februarie 2012. Besoek op 7 Mei 2017.
  3. ↑ "Bugs Bunny" (in Engels). Hollywood Chamber of Commerce. Geargiveer vanaf die oorspronklike op 21 April 2020. Besoek op 28 Junie 2012.

Eksterne skakels

[wysig | wysig bron]