Canon T70

'n Canon T70 filmkamera

Die Canon T70 was 'n 35mm FD-montering enkellensreflekskamera wat in April 1984 as die tweede in Canon se T-reeks bekendgestel is. Die T70 het begin met die konsepte wat in 1983 se T50 ondersoek is, en verder gevoer en toegepas is in 'n meer gesofistikeerde kamera. Terwyl die Program AE-net T50 slegs bedoel was as 'n beginnerkamera, het die T70 die fotograaf baie meer beheer oor die kamera se werking gegee, terwyl die T-reeks se filosofie van eenvoud in beheer en bedryf ongeskonde gebly het.

Kamerafunksies

Krag

Beheerknoppies aan die bokant

Skakelaar om die verlangde metingmodus te kies.

Al die filmaangedrywing op die T70 was kraggedrewe: film laai, vorentoe rol en terugwen. Die deurlopende skiettempo van 0.7 raampies per sekonde, was stadiger sy mededingers se motordrywe, maar die drywing was nietemin vinniger as wat mens met die hand kon doen. Na die laai van die kamera, moes die fotograaf slegs die filmleier uittrek tot by 'n oranje punt, en dan die klappie toemaak—die kamera sou die res, die laai van die leier op die spoel en die aanskuif tot by die eerste raampie, outomaties uitvoer.

Al die kamerafunksies wat krag benodig het, het dit uit twee AA batterye in die greep verkry. 'n Ingeboude litiumbattery (BR-1225 of CR-1220) is gebruik om die gebruikersinstellings te stoor; die batterylewe was ongeveer vyf jaar, en moes deur 'n tegnikus vervang word, aangesien die vervanging die gedeeltelike uitmekaarhaal van die kameraliggaam behels het.

Beheer

Die T70 gebruik 'n LCD-montering regsbo aan die kamera, en is 'n belangrike komponent van die gebruikerkoppelvlak. Twee knoppies bo die skerm gemerk "UP" en "DOWN" is aangepas om die geselekteerde parameter en die resultate te vertoon op die LCD. Knoppies linksbo op die kamera word gekies om die parameter te verander.

Hierdie artikel is in sy geheel of gedeeltelik vanuit die Engelse Wikipedia vertaal.