Captain America

Captain America
Skepping
Eerste verskyning Captain America Comics #1 (20 Desember 1940)
Geskep deur Marvel Comics
Joe Simon en Jack Kirby
Inligting
Alter ego Steven "Steve" Rogers
Spesie Mens
Geslag Manlik
Nasionaliteit Amerikaans

Captain America is 'n superheld wat deur Joe Simon en Jack Kirby geskep is[1] en in Amerikaanse strokiesverhale van Marvel Comics verskyn. Die karakter was die eerste keer te sien in Captain America Comics #1, wat op 20 Desember 1940 deur Timely Comics, 'n korporatiewe voorganger van Marvel, uitgegee is. Captain America se burgerlike identiteit is Steve Rogers, 'n skraal man wat tot die maksimum van menslike fisieke perfeksie aangehelp is deur 'n eksperimentele "supersoldaatserum" nadat hy in die Tweede Wêreldoorlog by die Amerikaanse weermag aangesluit het.

In sy kostuum wat deur die VSA-vlag geïnspireer is en met sy feitlik onvernietigbare skild veg Captain America en sy helper Bucky Barnes teen die skurk Red Skull en ander lede van die Spilmoondhede. Aan die einde van die oorlog beland Captain America ná 'n ongeluk in 'n bevrore skyndood totdat hy in die moderne tyd na die lewe teruggebring word. Hy hervat daarna sy avonture as 'n superheld en word leier van die span die Avengers.

Ná 'n afname in gewildheid ná die oorlog het Captain America se gewildheid sedert die 1960's weer toegeneem.[2] Hy het in meer as 10 000 stories in meer as 5 000 mediaformate verskyn en is een van die gewildste en bes erkende Marvel Comics-karakters. Hy is al beskryf as 'n ikoon van die Amerikaanse moderne kultuur. Hy was die eerste Marvel-karakter wat in 'n medium buite strokiesverhaalboeke verskyn het: in die rolprentreeks van 1944 Captain America; hy het sedertdien in talle rolprente en ander media verskyn, insluitende die Marvel Cinematic Universe, waar hy deur Chris Evans vertolk word.

Verwysings

[wysig | wysig bron]
  1. ↑ Nelson, Brian (Desember 1990). "Birth of a Legend: Jack Kirby Talks About Captain America". Marvel Age. 1 (95): 9. ISSN 8750-4367.
  2. ↑ Dutter, Barry (Desember 1990). "Simon Says...". Marvel Age. Marvel Comics. 1 (95): 10–13. ISSN 8750-4367.

Skakels

[wysig | wysig bron]