Conservapedia

Conservapedia
Tipe webblad aanlynensiklopedie, Wiki
Taal(e) Engels
Registrasie Opsioneel
Eienaar Andrew Schlafly
Outeur Die gemeenskap
Opgerig 2006
Huidige status Aktief
URL www.conservapedia.com

Conservapedia is 'n Engelstalige inligtingsprojek wat op die idee van 'n aanlynensiklopedie soos Wikipedia geskoei is en hoofsaaklik inligting vanuit 'n Amerikaans-nasionalistiese, Christelik-konserwatiewe en jong-aarde-kreasionistiese perspektief bevat. Dit is in 2006 deur regsgeleerde en sosiaalwetenskaponderwyser Andy Schlafly, seun van konserwatiewe aktivis en stigter van Eagle-forum, Phyllis Schlafly, gestig.[1][2] Hy voer aan dat hy gemotiveerd was om die projek te begin deurdat die vrye aanlynensiklopedie Wikipedia volgens hom liberaal, anti-Christelik en anti-Amerikaans was.[3]

Daar bestaan menige redaksionele verskille tussen Conservapedia en Wikipedia. Schlafly het geglo dat sommige van Wikipedia se beleide tot subjektiwiteit in die ensiklopediese inhoud gelei het. Volgens Conservapedia se beleid kan byvoorbeeld slegs gebruikers wat met 'n rekening wat in hul werklike naam geregistreer is, wysigings aanbring, alhoewel hierdie beleid nie altyd moontlik is om toe te pas nie.[4] 'n Stel beleide, getiteld die Conservapedia Commandments (Afrikaans: Conservapedia-gebooie), bepaal redaksionele prosedures op die webwerf.[5] Artikels en ander inhoud op die webwerf sluit gewoonlik kritiek van Wikipedia en sy, volgens Conservapedia, liberale ideologie in.[6][7]

Conservapedia is een van verskeie konserwatiewe en Christelik-getematiseerde webwerwe wat die uitleg van hoofstroomwebwerwe na-aap om verregse of fundamentalistiese Christelike alternatiewe te bied.[1][8] Die webwerf is al gekritiseer, beide van binne en buite die Verenigde State van Amerika, vir subjektiwiteit en onakkuraatheid.[9][10][11]

Verwysings

[wysig | wysig bron]
  1. ↑ 1,0 1,1 Coyle, Jake (8 Mei 2007). "Popular Web Sites Breed Political Copies". San Francisco Chronicle. Associated Press. Geargiveer vanaf die oorspronklike op 24 Mei 2008. Besoek op 26 April 2008.
  2. ↑ "Andy Schlafly". Eagle Forum University. Geargiveer vanaf die oorspronklike op 6 Oktober 2014. Besoek op 14 Mei 2008.
  3. ↑ Siegel, Robert (13 Maart 2007). "Conservapedia: Data for Birds of a Political Feather?" (in Engels). Geargiveer vanaf die oorspronklike op 27 Junie 2019. Besoek op 26 Julie 2007.
  4. ↑ "Examples of Bias in Wikipedia". Conservapedia. 17 Maart 2008. Besoek op 17 Maart 2008. Bekommernis oor anonieme gebruikers wat IP-adresse gebruik sluit die aantyging teen Wikipedia in dat lg. se beleid wat bydraes va n anonieme IP-adresse aanvaar, in "gereëlde lastering" (item 25) en "onbeheerbare vandalisme wat hoofsaaklik liberaal is" (item 29) lei.
  5. ↑ Turner, Adam (5 Maart 2007). "Conservapedia aims to set Wikipedia right". IT Wire (in Engels). Geargiveer vanaf die oorspronklike op 17 Mei 2009. Besoek op 12 Mei 2008.
  6. ↑ Chung, Andrew (11 Maart 2007). "A U.S. conservative wants to set Wikipedia right". The Star.com (in Engels). Geargiveer vanaf die oorspronklike op 25 September 2012.
  7. ↑ Johnson, Bobbie (1 Maart 2007). "Conservapedia — the US religious right's answer to Wikipedia". The Guardian (in Engels). Geargiveer vanaf die oorspronklike op 12 Oktober 2007. Besoek op 11 Junie 2009.
  8. ↑ "GodTube Provides Christian Web-Video Alternative". Fox News (in Engels). AP. 2 November 2007. Geargiveer vanaf die oorspronklike op 24 Junie 2013. Besoek op 2 Augustus 2008.
  9. ↑ Die idee dat "daar altyd 'n tweede interpretasie van die feite is wat net so aanvaarbaar is". Clarke, Conor. (2007). "A fact of one's own". The Guardian, March 1.
  10. ↑ "Weird, wild wiki on which anything goes". Metro (Associated Metro Limited) (in Engels). Associated Newspapers. 19 Maart 2007. Geargiveer vanaf die oorspronklike op 29 September 2007. Besoek op 25 Maart 2007.
  11. ↑ Maloney, Evan (30 Mei 2007). "Conservapedia: as accurate as a catatonic drunkard's line of urine". Splat!. News.com.au. Geargiveer vanaf die oorspronklike op 19 Februarie 2012. Besoek op 8 Junie 2008.

Eksterne skakels

[wysig | wysig bron]