Cumberland Lodge
Cumberland Lodge is ’n 17de-eeuse landgoed in Windsor Great Park sowat 5 km suid van Windsor-kasteel. Dit word nou gebruik deur ’n liefdadigheidstigting.
Die huis is in 1650 deur ’n weermagkaptein, John Byfield, laat bou nadat Oliver Cromwell erwe in Windsor Great Park opgedeel en verkoop het. Die huis is tot in 1670 Byfield House genoem; daarna was dit ook bekend as New Lodge, Windsor Lodge en Ranger Lodge.
Nadat koning Karel II se bewind herstel is, het hy dit die amptelike woning van die "Ranger of the Great Park" gemaak – ’n pos wat altyd beklee is deur iemand na aan die monarg.
Van die mense wat hier gebly het, is prins Willem, die Hertog van Cumberland, seun van koning George II (1746–1765); prins Augustus Frederick, die Hertog van Sussex, seun van koning George III (1830–1843) en prinses Helena, dogter van koningin Victoria (1846–1923).
Eksterne skakels
[wysig | wysig bron]
Wikimedia Commons het meer media in die kategorie Cumberland Lodge.- Royal Berkshire History
