Die Antwoord

Die Antwoord
Die Antwoord tree op voor 'n uitverkoopte gehoor by die historiese El Rey-teater in Los Angeles, Kalifornië (VSA). 17 Julie 2010.
Agtergrondinligting
Oorsprong	Kaapstad, Suid-Afrika
Genres	Kletsrym, hip-hop
Jare aktief	2009 tot hede
Etikette	SONY ATV
Assosiasies	Jack Parow Fokofpolisiekar Max Normal.tv The Constructus Corporation
Webwerf	www.dieantwoord.com
Lede	Ninja, Yo-Landi Vi$$er, DJ Hi-Tek

Die Antwoord is 'n musiekgroep wat in 2009 deur Watkin Tudor (Waddy) Jones (in Die Antwoord bekend as Ninja), Anri du Toit (Yo-Landi Vi$$er) en Justin de Nobrega (DJ Hi-Tek) in Kaapstad, Suid-Afrika, gestig is. Hul debuutalbum, $O$, is vir 'n kort rukkie gratis op die internet uitgereik. Die groep was in 2010 op 'n musiektoer deur Europa (insl.Skandinawië) en later in dieselfde jaar deur die VSA.^[1]

Wêreldwye deurbraak

Met behulp van die internet het Die Antwoord binne 'n week 'n massiewe ondersteunersbasis gekry.^[2] Op 1 Februarie het Boing Boing die musiekvideo vir "Enter the Ninja" en 'n quasidokumentêr genaamd "Zef Side" gepubliseer.^[2] Soekenjinstatistieke toon dat Die Antwoord in Februarie 2010 op grond van internetsoeke selfs bekende musiekgroepe soos Animal Collective, Pavement en Wilco oortref het.^[3] Tweets deur bekende musikante soos Fred Durst en Katy Perry het bygedra tot Die Antwoord se vinnige roem.^[4][5] In 2022 het Ninja en Yolandi se aangenome seun, Gabriel "Tokkie" du Preez, hulle beskuldig van mishandeling, seksuele aanranding en slawerny op hom en sy suster Meisie in 'n video wat op Youtube geplaas is.^[6]

Diskografie

• $0$ (Album, 2010)
• 5 (EP, 2010)
• Ekstra (EP, 2010)
• Ten$ion (Album, 2012)
• XPАN$IV $H1T (Single, 2012)
• Donker Mag (Album, 2014)
• Mount Ninji and da Nice Time Kid (Album, 2016)
• House of Zef (Album, 2020)

Sien ook

• Afrikaanse musiek
• Lys van Suid-Afrikaanse musikante

Verwysings

1. "argiefkopie". Geargiveer vanaf die oorspronklike op 7 Februarie 2010. Besoek op 5 Februarie 2010.
2. "argiefkopie". Geargiveer vanaf die oorspronklike op 15 Februarie 2010. Besoek op 12 Februarie 2010.
3. Sien die Google-neiging by http://www.google.com/trends?q=die+antwoord,+animal+collective,+wilco,+pavement&ctab=0&geo=all&date=2010-2&sort=0
4. Fred Durst tweet oor Die Antwoord
5. Katy Perry resiteer 'n Die Antwoord-liedjie oor Twitter
6. Die Antwoord, des stars du rap-électro sud-africain accusés de maltraitance et manipulation par leur fils adoptif

Verdere leesstof

• Onderhoud met News24.com Geargiveer 10 Februarie 2010 op Wayback Machine (video)
• Onderhoud met Vice-tydskrif Geargiveer 13 Augustus 2011 op Wayback Machine (en)
• Boingboing.com-inskrywing (en)
• "Die Antwoord is 'n klug", videogum.com Geargiveer 9 Februarie 2010 op Wayback Machine (en)
• Pitchfork.com-inskrywing (en)
• NME.com-inskrywing (en)

Eksterne skakels

Wikimedia Commons bevat media in verband met Die Antwoord.

• Amptelike webwerf (en)
• MySpace-profiel (en)
• Watkykjy.co.za-profiel Geargiveer 13 Januarie 2010 op Wayback Machine (af)