Dikkopeierbos
| Dikkopeierbos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Leucadendron |
| Spesie: | L. rubrum
|
| Binomiale naam | |
| Leucadendron rubrum Burm.f., (1768)
| |
| Sinonieme | |
Die dikkopeierbos (Leucadendron rubrum) is 'n blomdraende struik wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap, waar dit voorkom in die Bokkeveld, Gifberg, Sederberg tot by die Hottentots-Hollandberge en Riviersonderendberge, Touwsberg, Rooiberg, Kammanassieberge, Piketberg, Tafelberg en die Kaapse Vlakte. Die struik word 2.5 m hoog en blom van Augustus tot September.
Vuur vernietig die plant maar die sade oorleef. Die sade word geberg in 'n tol op die vroulike plant en word vrygelaat waar dit deur die wind versprei word. Die saadjie het 'n valskermmeganisme wat dit deur die lug laat sweef en roteer. Die plant is eenslagtig en daar is manlike- en vroulike plante wat voortplant deur windbestuiwing. Die plant groei hoofsaaklik in graniet of sandsteen op hoogtes van 250-1500 m.
In Engels staan dit as die Spinning Top bekend.
