Distikstofpentoksied

**Eienskappe**
Algemeen
Naam	Distikstofpentoksied
Struktuurformule van
Chemiese formule	N₂O₅
Molêre massa	108,0105 g/mol
CAS-nommer	10102-03-1
Fasegedrag
Ruimtegroep	P6₃/mmc
Smeltpunt	41 °C
Kookpunt	Ontbind >50 °C (kan ontplof)
Digtheid	2,17 g/cm3
Oplosbaarheid	Reageer met water; opl. in HCCl₃, SO₂Cl₂, HNO₃
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.

Portaal Chemie

Distikstofpentoksied is 'n stikstofoksied met formule N₂O₅. In hierdie verbinding met suurstof het stikstof die hoogste oksidasietoestand N(V). Dit is die anhidraat van salpetersuur. Dit is 'n vastestof met 'n lae smeltpunt, wat daarna ontbind, soms met 'n ontploffing.

Reaktiwiteit

N₂O₅ kan gevorm word deur salpetersuur op fosforoksied te drup:

4HNO_{3}(l)+P_{4}O_{10}\to 2N_{2}O_{5}(s)+4HPO_{3}(l)

N₂O₅ is 'n sterk oksideermiddel en word gebruik om watervrye nitrate te vervaardig, bv: ^[1]

N_{2}O_{5}(s)+Na(s)\to NaNO_{3}(s)+NO_{2}(g)

N₂O₅ reageer vryelik met water, byvoorbeeld vog in die lug, om salpetersuur te vorm:

N_{2}O_{5}+H_{2}O\to 2HNO_{3}

N₂O₅ word soms opgelos in suiwer salpetersuur. Hierdie oplossing verhoed die ontstaan van water, omdat dit onmiddellik deur die pentoksied in salpetersuur omgesit sal word. N₂O₅ ondergaan 'n dissosiasie-ewewig in hierdie oplossing en vorm ione:

N_{2}O_{5}\leftrightharpoons NO_{2}^{+}+NO_{3}^{-}

Dit kom ooreen met die heksagonale kristalstruktuur wat uit plat driehoekige nitraat-ione en lineêre nitroniumione bestaan.^[2] Dit is in der waarheid 'n sout: nitroniumnitraat. Die damp bestaan nogtans uit O₂N-O-NO₂-molekule. ^[3]

N₂O₅-oplossings in salpetersuur kan gebruik word om watervrye metaalnitrate te vervaardig. 'n Toriumnitraathidraat gee aanvanklik 'n adduk:

Th(NO_{3})_{4}\bullet 4H_{2}O+5N_{2}O_{5}\to Th(NO_{3})_{4}\bullet 2N_{2}O_{5}+8HNO_{3}(l)

Die adduk kan in vakuum verhit word tot 150-160 °C om die watervrye Th(NO₃)₄ vry te stel.^[4]

Verwysings

↑ Inorganic Chemistry Mark Weller, Tina Overton, Jonathan Rourke, Fraser Armstrong OUP Oxford, 2014,ISBN 0-19-964182-X, ISBN 978-0-19-964182-6
↑ Structure and Chemistry of Crystalline Solids Bodie Douglas, Shi-Ming Ho Springer Science & Business Media, 2007, ISBN 0-387-36687-3, 9780387366876
↑ Molecular structure of dinitrogen pentoxide in the gas phase. Large amplitude motion in a system of coupled rotors, Bruce W. McClelland, Lise Hedberg, Kenneth Hedberg, Kolbjoern Hagen, J. Am. Chem. Soc., 1983, 105(12), bls 3789–3793
↑ Advances in Inorganic Chemistry and Radiochemistry, Deel 6 H. J. Emeléus, A. G. Sharpe Academic Press, 1964, ISBN 0-08-057855-1, ISBN 978-0-08-057855-2

Hierdie chemie-verwante artikel is 'n saadjie. U kan die wikipedia help deur dit uit te brei.

[1] Inorganic Chemistry Mark Weller, Tina Overton, Jonathan Rourke, Fraser Armstrong OUP Oxford, 2014,ISBN 0-19-964182-X, ISBN 978-0-19-964182-6

[2] Structure and Chemistry of Crystalline Solids Bodie Douglas, Shi-Ming Ho Springer Science & Business Media, 2007, ISBN 0-387-36687-3, 9780387366876

[3] Molecular structure of dinitrogen pentoxide in the gas phase. Large amplitude motion in a system of coupled rotors, Bruce W. McClelland, Lise Hedberg, Kenneth Hedberg, Kolbjoern Hagen, J. Am. Chem. Soc., 1983, 105(12), bls 3789–3793

[4] Advances in Inorganic Chemistry and Radiochemistry, Deel 6 H. J. Emeléus, A. G. Sharpe Academic Press, 1964, ISBN 0-08-057855-1, ISBN 978-0-08-057855-2

[1]

[2]

[3]

[4]