Donaghadee
Donaghadee Tha Dee (Ulster-Skots) Domhnach Daoi (Iers-Gaelies) | |
|---|---|
Dorp | |
 Nagaansig van The Moat en Shore Street | |
| Byname: The Beacon on the Coast | |
  Donaghadee | |
| Koördinate: 54°37′48″N 5°31′48″W / 54.63000°N 5.53000°W | |
| Land | .svg){kind=small} Verenigde Koninkryk |
| Land (VK) | Noord-Ierland |
| County | Down |
| Distrik | Ards and North Down |
| Bevolking | |
| • Totaal | 6 869 |
| Tydsone | UTC+00:00 (MGT) |
| • Somertyd | UTC+01:00 (BST) |
| Poskode | BT21 |
| Skakelkodes | 028 |
| Webwerf | ardsandnorthdown.gov.uk |
Donaghadee (Iers: Domhnach Daoi "Daoi se Kerk") is 'n klein nedersetting in die Noord-Ierse graafskap Down met 'n bevolking van 6 869 volgens die sensus van 2011, geleë aan die noordooskus van die Ards-skiereiland en sowat 18 myl (29 km) oos van Belfast en ses myl (tien km) suidoos van Bangor. Administratief behoort Donaghadee aan die gelyknamige civil parish en die historiese baronie Ards Lower.
Donaghadee is geleë by dié punt in Noord-Ierland wat die naaste is aan Skotland,[1] en op die meeste dae is die Skotse kus van Galloway met die blote oog sigbaar vanaf Donaghadee. Sy ligging was 'n kritiese faktor in die geskiedenis en ekonomiese ontwikkeling van die dorp. So was dit die landingplek van die eerste Skotse setlaars in Ulster en vanaf die 17de tot teen die middel van die 19de eeu, toe veerbote Donaghadee met Portpatrick in Galloway verbind het, die belangrikste poort tot die eiland van Ierland op die seeroete vanaf die Britse hoofeiland.
Bekende persoonlikhede het op dié roete na Ierland gevaar, soos byvoorbeeld die digter John Keats in 1818. Hy was ontsteld oor die vlak van armoede waaraan hy op pad na Belfast blootgestel is, en het volgens oorlewering spoedig na Skotland teruggekeer. Donaghadee se agteruitgang as seehawe het in 1849 begin toe die veerboothawe na Larne verskuif is. Die nedersetting het egter nuwe betekenis gekry as een van Noord-Ierland se mees gewilde seeoorde toe Belfast se welvarende kooplui in die 19de eeu aangetrokke gevoel het deur die dorp se aangename atmosfeer en droë klimaat.[2]
Donaghadee staan vandag bekend vir sy aantreklike mengsel van historiese en moderne boukuns, met besienswaardighede soos die Normandiese vesting, die klein seehawe, die vuurtoring, die kroeg Grace Neill's Pub (na bewering die oudste in Ierland) en die parogiekerk.
Verwysings
[wysig | wysig bron]- ↑ www.visitardsandnorthdown.com: Donaghadee Town. Besoek op 7 Oktober 2017
- ↑ "Visit Donaghadee - History & Heritage. Besoek op 7 Oktober 2017". Geargiveer vanaf die oorspronklike op 14 September 2018. Besoek op 7 Oktober 2017.