Doornkop
Doornkop is 'n rif en 'n geskiedkundige liggingsplek aan die westelike buitewyke van Soweto in die Gautengprovinsie, Suid-Afrika.
Dit is die plek waar dr Leander Starr Jameson op 2 Januarie 1896 na die Jameson-inval verslaan is. Die gebied is ook in populêre geskiedenis gekoppel aan die derde dag van die Slag van Johannesburg wat van 27 tot 29 Mei 1900 naby plaasgevind het tydens die Tweede Vryheidsoorlog. Die rant is ingeneem deur ruiters onder bevel van lt.genl. John French terwyl 'n nabygeleë rant, wat nou deur verskeie Soweto-voorstede bedek word, deur sewe infanteriebataljonne ingeneem is.[1]
Vandag
[wysig | wysig bron]Die gebied word tans beslaan deur die weswaartse uitbreiding van Soweto en die oostelike groei van Krugersdorp se Kagiso-township. Voorstede sluit Tshepisong, Leratong Village, Bambayi en Thulani in. Doornkop staan ook bekend as Thulani, Snakepark en Silvertown.
Verwysings
[wysig | wysig bron]- ↑ Leon Engelbrecht, Hidden in Plain Sight, Johannesburgs Battlefields, 2009, p. 58. Besoek 5 April 2021
Eksterne skakel
[wysig | wysig bron]- Leon Engelbrecht: Hidden in Plain Sight. Johannesburgs Battlefields, 2009. Battles-for-Johannesburg.pdf. Oor gevegte naby Doornkop: 1-2 Januarie 1896 by die Jameson-inval en ook 27-29 Mei 1900 bij die Slag van Johannesburg. 141 bladsye van webwerf www.defenceweb.co.za. In Engels. Op 16 Maart 2023 geraadpleeg.