Duitse masels
| Duitse masels | ||
| Klassifikasie en eksterne bronne | ||
| ||
| Kind met Duitse masels | ||
| ICD-10 | B06 | |
| ICD-9 | 056 | |
| DiseasesDB | 11719 | |
| MedlinePlus | 001574 | |
| eMedicine | emerg/388peds/2025 derm/259 | |
| MeSH | D012409 | |
 Mediese waarskuwing
| ||
Duitse masels, ook bekend as Rubella, is 'n akute aansteeklike siekte met 'n veluitslag wat gevaar vir die fetus inhou indien verwagtende moeders dit kry. Dit word deur 'n virus veroorsaak wat drie weke neem om te ontwikkel.
Kindersiekte
[wysig | wysig bron]Die aansteeklike siekte kom veral tussen die ouderdom van 2 en 10 voor. Volwassenes kan ook die siekte kry as hulle dit nie tevore gehad het nie. 'n Vorige aanval gee lewenslange immuniteit.
Regstreekse aanraking met die draer kan verspreiding van die virus veroorsaak, wat die liggaam deur die mond, voedsel- en lugkanale binnedring.
Hoewel die simptome en tekens van die siekte in 'n mate met masels ooreenkom, word Duitse masels deur 'n heeltemal ander virus veroorsaak. Die inkubasieperiode duur gewoonlik sowat 17 dae.
Simptome en diagnose
[wysig | wysig bron]Die veluitslag is meestal die eerste aanduiding dat 'n kind Duitse masels onder lede het. Dikwels word dit nie voorafgegaan deur 'n gevoel van olikheid nie. Die uitslag begin gewoonlik op die gesig en versprei dan na die bors en hele liggaam.
Die limfkliere in verskillende dele van die liggaam begin swel, veral in die nek. As 'n mens goed oplet, kan mens trouens hierdie teken, wat heeltemal aan die aanvang van die siekte verskyn, waarneem voordat die uitslag sigbaar word. Die pasiënt se koors is selde hoër as 38°C en voel ook nie te siek nie.
Sien ook
[wysig | wysig bron]Bronnelys
[wysig | wysig bron]- Dokter in die huis, Dr Jan van Elfen, 1993 ISBN 0 624 03234 5
- KENNIS, vol 11, 1980, bl. 2092-2093, ISBN 0 7981 0833 9
Eksterne skakels
[wysig | wysig bron]
Wikimedia Commons het meer media in die kategorie Duitse masels.
