Edwardian Farm
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Edwardian Farm | |
| Genre | Dokumentêre reeks |
|---|---|
| Geskep deur | David Upshal |
| Geregisseer deur | Stuart Elliott |
| Oorsprong | .svg){kind=small} Verenigde Koninkryk |
| Taal | Engels |
| Aantal seisoene | 1 |
| Aantal episodes | 12 |
| Produksie | |
| Uitvoerende vervaardiger(s) | David Upshal |
| Produksiemaatskappy | Lion Television |
| Uitsending | |
| Oorspronklike kanaal | BBC Two |
| Oorspronklike lopie | 10 November 2010 |
| Kronologie | |
| Voorafgegaan deur | Victorian Farm, Victorian Pharmacy |
| Opgevolg deur | Wartime Farm |
| Webskakels | |
| Amptelike webwerf | |
Edwardian Farm is 'n historiese televisie-dokumentêr van twaalf episodes wat vir die eerste keer tussen November 2010 en Januarie 2011 op BBC Two uitgesaai is. Dit handel oor 'n groep geskiedkundiges wat 'n poging onderneem om 'n plaas in Suidwes-Engeland op dieselfde manier te bestuur soos dit in die Edwardiaanse tydperk gedoen is. Die reeks is deur David Upshal geskep en vervaardig, terwyl Stuart Elliott die regie behartig het.
Die reeks is in opdrag van die BBC deur die onafhanklike TV-produksiemaatskappy Lion Television vervaardig en by Morwellham Quay, 'n historiese kaai in Devon, geskiet. Die span "Edwardiaanse" boere het uit die geskiedkundige Ruth Goodman en die argeoloë Alex Langlands en Peter Ginn bestaan.
Edwardian Farm het uit twee vroeëre reekse, Victorian Farm en Victorian Pharmacy, voortgespruit - twee van BBC Two se gewildste treffers in 2009 en 2010 waarvan enkele episodes tot by 3,8 miljoen kykers getrek het. Die reeks is in September 2012 deur Wartime Farm opgevolg, met dieselfde span wat hierdie keer 'n volle kalenderjaar as boere in oorlogstye op Manor Farm in Hampshire deurgebring het.
'n Begeleidende boek met dieselfde naam, wat deur Goodman, Langlands en Ginn geskryf is, is in 2010 deur BBC Books uitgegee. Die reeks het ook op DVD verskyn.