Elizabeth van York

Elizabeth van York
Koningingemaal van Engeland
’n 16de-eeuse kopie van ’n 15de-eeuse protret.
Gebore	(1466-02-11)11 Februarie 1466 Westminster-paleis, Londen, Engeland
Oorlede	11 Februarie 1503 (op 37) Londense Tower, Londen
Eggenoot	Hendrik VII van Engeland
Kinders	Arthur, Prins van Wallis Margaret, koningin van Skotland Hendrik VIII van Engeland Maria Tudor, koningin van Frankryk
Huis	York
Vader	Eduard IV van Engeland
Moeder	Elizabeth Woodville
Godsdiens	Rooms-Katoliek
Handtekening

Elizabeth van York (11 Februarie 1466 - 11 Februarie 1503) was van 1486 tot 1503 die vrou van Hendrik VII van Engeland. Sy was ook die ma van Hendrik VIII.

Elizabeth was van 18 Januarie 1486 tot met haar dood die eerste koningingemaal van die Huis van Tudor. Sy het in 1486 met Hendrik VII getrou ná sy oorwinning in die Slag van Bosworth, wat ’n einde aan die Rose-oorlog gebring het. Elizabeth en Hendrik het sewe kinders gehad.

Lewe

Ná die dood van haar pa, Eduard IV, het Elizabeth se broers, die "Prinse in die Tower", verdwyn en dit is onseker wat van hulle geword het. Hoewel haar ouers, Eduard IV en Elizabeth Woodville, se huwelik in 1484 deur die parlement ongeldig verklaar is met die wet genaamd Titulus Regius, is sy en haar susters daarna terugverwelkom aan die hof van Eduard se broer, koning Richard III.

Elizabeth se ouers, Eduard IV en Elizabeth Woodville.

As ’n prinses van York kon nie finale oorwinning van die Huis van Lancaster in die Rose-oorlog op nog ’n ramp vir haar uitgeloop het, maar Hendrik Tudor het geweet hoe belangrik die steun van die Yorks vir sy oorname van die troon is en voordat hy in Engeland aangekom het, het hy belowe om met Elizabeth te trou. Dit kon daartoe bygedra het dat die Yorks se steun vir Richard afgeneem het.^[1]

Dit lyk nie of Elizabeth ’n groot rol in politiek gespeel het nie, maar haar huwelik was op die oog af gelukkig.^[2][3] Haar oudste seun, Arthur, Prins van Wallis, is in 1502 op 15-jarige ouderdom oorlede, en nog drie kinders het jonk gesterf. Haar tweede oudste en enigste oorlewende seun het Hendrik VIII van Engeland geword, terwyl haar dogters, Maria en Margaret, onderskeidelik die koningin van Frankryk en Skotland geword het. Baie hedendaagse koninklikes, soos Elizabeth II, stam van Margaret af.

Sy is die enigste koningin wat die dogter (van Eduard IV), suster (van Eduard V), niggie (van Richard III), vrou (van Hendrik VII), ma (van Hendrik VIII) en ouma (van Maria I, Elizabeth I en Eduard VI) van Engelse monarge was.

Verwysings

1. Carson, Annette. "Richard III. The Maligned King."
2. Penn, Thomas. (2012). Winter king : Henry VII and the dawn of Tudor England (1st Simon & Schuster hardcover uitg.). New York: Simon & Schuster. pp. 97-100. ISBN 978-1-4391-9156-9. OCLC 741542832.
3. Chrimes, S. B. (Stanley Bertram), 1907-1984. (1972). Henry VII. Berkeley [Calif.]: University of California Press. pp. 302. ISBN 0-520-02266-1. OCLC 567203.

Skakels

• Hierdie artikel is in sy geheel of gedeeltelik uit die Engelse Wikipedia vertaal.