| Elliot-formasie | |
|---|---|
| Ligging | Suid-Afrika |
| Bergtipe | Geologiese formasie |
| Rotsouderdom | Laat-Trias tot vroeë Jura |
Die Elliot-formasie is 'n geologiese formasie wat sowat 210 tot 190 miljoen jaar gelede oor 'n tydperk afgeset het.
Die Elliot-formasie is een van drie formasies van die Stormberg-groep in die Karoo-supergroep van Suid-Afrika. Dit oorlê die Molteno-formasie en word op sy beurt deur die jonger Clarens-sandsteenformasie oorlê.
Die formasie bestaan hoofsaaklik uit afwisselende dun lae moddersteen, sandsteen en rooi sliksteen wat in vloedvlaktes gevorm het. Dit verteenwoordig dus 'n fluviale afsetting. Die Elliot-formasie word gekenmerk deur sy rooi kleur. Dit bevat ook verskeie fossiele, soos die 12 meter lange Melanorosaurus, die Massospondylus en die Ledumahadi mafube, wat in September 2018 ontdek is. Aan die bokant van die Elliot-formasie word eoliese sedimente aangetref, wat 'n aanduiding is van die toenemend droeërwordende omgewing.