Erasmus Universiteit Rotterdam

Erasmus Universiteit Rotterdam
(Erasmus University Rotterdam)
Latyn: Academia Erasmiana Roterodamensis
Leuse:Make it happen
Leuse in Afrikaans:Maak dit gebeur
Gestig:1913
Tipe:Openbare universiteit
Befondsing:€588 miljoen [1]
President:Ed Brinksma
Rektor:Annelien Bredenoord
Fakulteite:7
Personeel:2 932 [1]
Studentetal:28 047 [1]
Ligging:Rotterdam, Zuid-Holland, Nederland
Voormalige name:Nederlandsche Handels-Hoogeschool (NHH: 1913-1939)
Nederlandsche Economische Hoogeschool (NEH: 1939-1973)
Affiliasies:AMBA, EUA, EQUIS, AACSB
Webtuiste:www.eur.nl Edit this at Wikidata

Die Erasmus Universiteit Rotterdam (afgekort: EUR) is 'n Nederlandse universiteit in die stad Rotterdam. Die universiteit is genoem na die teoloog, filosoof en humanis Desiderius Erasmus (1466/67/69-1536).

Die kampusse is op twee plekke geleë wat Hoboken en Woudestein genoem word. Verder is die Erasmus University College in die voormalige munisipale biblioteek gevestig en daar is ook 'n vestiging in Den Haag wat ISS International Institute of Social Studies genoem word.

Die universiteit het in 2016 28 047 studente gehad. Van hulle het 5 542 uit die buiteland gekom. Meer as die helfte van hulle kom uit Europa ( Rusland ingesluit), 27% is van Asië, 8% kom uit Afrika, 3,5% uit Suid-Amerika en byna 4% uit Noord-Amerika.

Geskiedenis

[wysig | wysig bron]
Fakulteitsgebou Woudestein
Erasmus-paviljoen

Die Erasmus Universiteit Rotterdam in sy huidige vorm bestaan sedert 1973, maar sy geskiedenis gaan terug tot 1913. Dit is die jaar waarin 'n private inisiatief tot oprigting van die Nederlandsche Handels-Hoogeschool breë steun van die Rotterdamse sakesektor gekry het. Die wettiglike erkenning van die hoër onderwys in handel en ekonomie as wetenskaplike dissiplines het in 1939 tot 'n ander naam gelei. De NHH het die NEH geword: die Nederlandsche Economische Hoogeschool.

Die maatskappy het in die 1960s vinnig ontwikkel en die skool is uitgebrei met fakulteite in die regsgeleerdheid en die sosiale wetenskappe. Later het nog die filosofie, geskiedkunde, kunsgeskiedenis en bedryfskunde gevolg. Die groei van die aantal studente het nuwe huisvesting vereis en die NEH het in 1968 verhuis van die Pieter de Hoochweg in Rotterdam-Wes na Kralingen waar die argitekte Kees Elffers, A. van der Heijen en C. Hoogeveen die nuwe kampus Woudestein ontwerp het.

Die Stichting Klinisch Hoger Onderwijs het hom sedert 1950 ingespan om 'n volledige medies-wetenskaplike opleiding in Rotterdam moontlik te maak. Die Nederlandse owerheid het in 1966 die Medische Faculteit Rotterdam gestig. Sy huisvesting is op die Hoboken-terrein naas een van belangrikste hospitale van die stad, die Dijkzigtziekenhuis.

In 1973 het die NEH en die mediese fakulteit saamgesmelt en het dit die Erasmus Universiteit Rotterdam geword, die eerste universiteit wat na een persoon genoem is, naamlik Erasmus, wat in hierdie stad gebore is.

Later het twee ander hospitale, die Daniel de Hoedkliniek -bekend vir sy kankerbestryding en die Sophia Kinderziekenhuis saamgesmelt met Dijkzigt en het dit die Erasmus Medisch Centrum (Erasmus MC) geword.

Name

[wysig | wysig bron]
  • 1913-1939 Nederlandsche Handels-Hoogeschool
  • 1939-1973 Nederlandsche Economische Hoogeschool
  • 1950-1966 Stichting voor Klinisch Hoger Onderwijs
  • 1966-1973 Medische Faculteit Rotterdam
  • 1973- Erasmus Universiteit Rotterdam

Galery

[wysig | wysig bron]

Fakulteite en institute

[wysig | wysig bron]
Die Erasmus Medisch Centrum op die plek Hoboken, gesien vanuit die Museumpark
Johan Cruijff gee gas-lesing aan die Erasmus Universiteit (1985)

Die universiteit het sewe fakulteite en twee besondere institute.[2]

Fakulteite

[wysig | wysig bron]
  • Erasmus School of Economics (ESE)
  • Erasmus School of Law (ESL)
  • Erasmus School of Social and Behavioural Sciences (ESSB)
    • Erasmus University College (EUC)
  • Erasmus MC
  • Faculteit der Wijsbegeerte (FW)
  • Erasmus School of History, Culture and Communication (ESHCC)
  • Rotterdam School of Management, Erasmus University (RSM)

Besondere institute

[wysig | wysig bron]
[wysig | wysig bron]

Die onderwys en navorsing is gekonsentreer in ekspertisegebiede:

Publikasies

[wysig | wysig bron]
  • Ambitie en identiteit. Van Nederlandsche Handels-Hoogeschool tot Erasmus Universiteit Rotterdam 1913-2013. Rotterdam, Stad en Bedrijf / Erasmus Universiteit, 2013. ISBN 978-90-819748-5-1 [3]
  • M. Davids & J. van Herwaarden: Erasmus Universiteit Rotterdam, 1973-1993. Rijswijk, Universitaire Pers Rotterdam, 1993. ISBN 90-237-1172-6
  • P.W. Klein: De Nederlandse Economische Hogeschool : hogeschool voor maatschappijwetenschappen, 1963-1973. Rotterdam, Universitaire Pers Rotterdam, 1974. ISBN 90-237-2061-X
  • J.H. van Stuijvenberg: De Nederlandsche Economische Hoogeschool, 1913-1963. Van handelshoogeschool naar hogeschool voor maatschappijwetenschappen. Rotterdam, Nijgh & Van Ditmar, 1963.
  • Timo Bolt en Mart van Lieburg: Erasmus MC. 50 jaar academische gezondheidszorg in Rotterdam. Utrecht, Uitgeverij Matrijs, 2016. ISBN 978-90-5345-515-9

Verwysings

[wysig | wysig bron]
  1. ↑ 1,0 1,1 1,2 Jaar 2016.
  2. ↑ EUR Faculteiten en Instituten
  3. ↑ e-pub

Eksterne skakels

[wysig | wysig bron]