Ergamenes
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Ergamenes is volgens die Griekse skrywer Diodorus van Sisilië 'n Nubiese koning in die vierde eeu v.C. wat die Griekse kultuur bewonder het. Hy het die priesters van die land beveg, wat glo die mag gehad het die koning te dwing om selfmoord te pleeg indien die volk hom nie meer steun nie.
Dit is nie duidelik watter Meroïtiese vors dit gewees is nie. Daar is drie konings Arkakamani, Arnekhamani en Arquamani met name wat met die Griekse Ergamenes ooreen kan stem. Van Arnekhamani is bekend dat hy in Mussawwarat es-Sufra 'n tempel gebou het, die Leeu-tempel vir die Leeu-god Apedemak en vir Sbomeker, wat suiwer Meroïtiese gode was. In die tempel word egter ook Egiptiese gode vereer en daar is himnes aangebring wat in suiwer Ptolemeïese Egipties geskryf is. Dit toon dat daar ook Egiptiese kunstenaars en skrywers aan die bou van die tempel gewerk het, maar die styl van die beelde is Meroïties.[1]
Verwysings
[wysig | wysig bron]- ↑ Ancient Civilizations of Africa General history of Africa G. Mokhtar, UNESCO, 1981, ISBN 923101708X, ISBN 9789231017087
