Falafel

Falafel balletjies
Broodjie-falafel

Falafel (Arabies: فلافل) word gemaak van kekerertjies of droëbone, of 'n mengsel van die twee. Dit word diepgebraai en gewoonlik voorgesit in 'n bal- of frikkadelvorm. Dit is 'n tradisionele Midde-Oosterse voedselsoort wat dikwels in 'n pita geëet word of toegevou word in 'n tipe platbrood wat bekendstaan as taboon. "Falafel" verwys ook dikwels na 'n toebroodjie wat op hierdie wyse voorberei word. Die falafel balletjies word saam met slaaie of gepekelde groente bedien, en bedruip met tahini-gebaseerde souse. Falafel kan alleen geëet word as 'n peuselhappie of bedien word as deel van 'n mezegereg ('n verskeidenheid van aptytwekkers).

Falafel word regdeur die Midde-Ooste geëet en is 'n algemene straatkos of wegneemete. Falafel word gewoonlik van droëbone gemaak in die Egiptiese kookkuns, en met kekerertjies in die Levant. In Egipte gebruik mense dikwels net boontjies. Nadat Israel as 'n land gestig is, is falafel as 'n nasionale dis aangeneem.[1] Sommige Palestyne maak beswaar hierteen aangesien hulle dit as hulle gereg beskou.[2][3]

In Egipte en Soedan staan falafel bekend as taʿmiya. Die woord is afkomstig van 'n verkleinvorm van die Arabiese woord ṭaʿām (طعام, "kos"); hierdie bepaalde vorm dui op "'n eenheid" van die gegewe semitiese wortel, in hierdie geval Ṭ-ʕ-M (ط ع م, wat verband hou met smaak en kos), en wat derhalwe "'n klein stukkie kos" of 'n "klein smaaklike ding" beteken.[4][5][6]

Verwysings

[wysig | wysig bron]
  1. ↑ Raviv, Yael (2003). "Falafel: A National Icon". Gastronomica: The Journal of Food and Culture (in Engels). University of California Press. 3 (3): 20.
  2. ↑ Jodi Kantor (10 Julie 2002). "A History of the Mideast In the Humble Chickpea" (in Engels). The New York Times.
  3. ↑ Julian Kossoff (18 Maart 2011). "The Arab-Israeli conflict turns into a food fight" (in Engels). The Daily Telegraph. Geargiveer vanaf die oorspronklike op 14 September 2015. Besoek op 8 April 2021.
  4. ↑ Davidson, Alan; Jaine, Tom (2006). The Oxford companion to food (2nd uitg.). Oxford University Press. p. 287. ISBN 978-0-19-280681-9. Besoek op 27 April 2010.
  5. ↑ Habeeb, Salloum (1 April 2007). "Falafel: healthy Middle Eastern hamburgers capture the West". Vegetarian Journal. Besoek op 16 Februarie 2010.
  6. ↑ Ham, Anthony (2010). Africa. Footscray, Victoria: Lonely Planet. p. 199. ISBN 978-1-74104-988-6. Besoek op 19 Julie 2011.