Fantasie

Rêverie (Dagdroom), 1901 deur Paul César Helleu.

Fantasie in ’n sielkundige sin verwys na iets wat die teenoorgestelde is van realiteit (iets wat deur enige van die sintuie ervaar word). ’n Fantasie is ’n situasie wat deur ’n individu verbeel word om sekere begeertes uit te druk. Die situasies is dikwels hoogs onwaarskynlik; maar dit kan ook realisties wees. Fantasieë kan ook ’n seksuele aard hê.

’n Fantasie kan ook ’n dagdroom genoem word. In die alledaagse lewe dink mense dikwels aan iets wat hulle wens hulle kan doen of kon gedoen het, iets wat soms onmoontlik in die werklike lewe is. Dit kan ook ’n afweermeganisme wees om negatiewe emosies teen te werk of verveling te verdryf.

Fantaseer kan ook belangrik wees, want dit is ’n manier om te leer, of om te begryp hoe die wêreld in mekaar steek. Dit is dus vir baie mense ’n belangrike bron van inspirasie. Sommige navorsers meen fantasie kan ’n helende effek hê[1] of dat mense wat die mees ontwikkelde fantasielewe het, dikwels dié is wat op die skeppendste manier daaraan kan uiting gee in kuns, letterkunde of meer tradisionele beroepe.[2]

Te veel fantasieë kan iemand se alledaagse bestaan negatief beïnvloed. Buitensporige fantasieë kan ook ’n teken van narsisme wees.[3]

Verwysings

[wysig | wysig bron]
  1. ↑ Otto Fenichel, The Psychoanalytic Theory of Neurosis (London 1946) p. 554
  2. ↑ Barrett, Deirdre Fantasizers and Dissociaters: An Empirically based schema of two types of deep trance subjects. Psychological Reports, 1992, 71, p. 1011 1014; Barrett, Deirdre L. Dissociaters, Fantasizers, and their Relation to Hypnotizability in Barrett, Deirdre (red.) Hypnosis and Hypnotherapy, (2 vol.): Vol. 1: History, theory and general research, Vol. 2: Psychotherapy research and applications, NY, NY: Praeger/Greenwood, 2010.
  3. ↑ Narcissistic personality disorder Geargiveer 8 Januarie 2010 op Wayback Machine

Skakels

[wysig | wysig bron]