Frances McDormand

Frances McDormand
'n Beeld van die betrokke persoonlikheid.
McDormand in 2015.
Geboortenaam Frances Louise McDormand
Geboorte 23 Junie 1957 (1957-06-23) (67 jaar oud)
Chicago, Illinois, VSA
Nasionaliteit Amerikaans
Beroep(e) Aktrise
Aktiewe jare 1984–tans
Internet-rolprentdatabasis-profiel

Frances Louise McDormand (gebore 23 Junie 1957) is ’n Amerikaanse aktrise. Sy is een van min wat die "driedubbele kroon" van toneelspel gewen het: ’n Oscar vir die swartkomediefliek Fargo (1996), ’n Tony vir die Broadway-toneelstuk Good People (2011) en ’n Primetime Emmy vir die TV-minireeks Olive Kitteridge (2014). McDormand het ook op die 75ste Golden Globe-toekenningsaand ’n prys gewen vir beste aktrise, vir haar rol in die rolprentdrama Three Billboards Outside Ebbing, Missouri (2017).

Loopbaan

[wysig | wysig bron]

McDormand se eerste rol was in die toneelstuk Trinidad and Tobago. Sy is sedert 1984 met die rolprentvervaardiger Joel Coen getroud en het in 1984 haar rolprentdebuut in die Coen-broers se eerste prent, Blood Simple, gemaak. Daarna het sy in nog verskeie van die broers se prente gespeel, soos Raising Arizona (1987), Fargo (1996), The Man Who Wasn't There (2001), Burn After Reading (2008) en Hail, Caesar! (2016). Sy is al drie keer vir ’n Oscar vir beste byspeelster benoem: vir haar rolle in Mississippi Burning (1988), Almost Famous (2000) en North Country (2005).

Ander noemenswaardige prente sluit in Short Cuts (1993), Primal Fear (1996), Wonder Boys (2000), Something's Gotta Give (2003), Moonrise Kingdom (2012) en The Good Dinosaur (2015).

McDormand het in 1984 ook haar Broadway-debuut in ’n heropvoering van Awake and Sing gemaak en ’n Tony-benoeming gekry vir haar vertolking van Stella Kowalski in die 1988-heropvoering van A Streetcar Named Desire. Sy het in 2008 ná ’n afwesigheid van 20 jaar na Broadway teruggekeer in ’n heropvoering van The Country Girl; sy is daarvoor benoem vir ’n Drama Desk-prys vir uitmuntende aktrise.

Pryse en benoemings

[wysig | wysig bron]

Van Frances McDormand se belangrikste pryse en benoemings is:

Oscars

[wysig | wysig bron]
Jaar Werk Kategorie Uitslag
1989 Mississippi Burning Beste byspeelster Benoem
1997 Fargo Beste aktrise Gewen
2001 Almost Famous Beste byspeelster Benoem
2006 North Country Benoem

Baftas

[wysig | wysig bron]
Jaar Werk Kategorie Uitslag
1997 Fargo Beste aktrise in ’n hoofrol Benoem
2001 Almost Famous Beste byspeelster Benoem
2006 North Country Benoem
2018 Three Billboards Outside Ebbing, Missouri Beste aktrise in ’n hoofrol In afwagting

Golden Globes

[wysig | wysig bron]
Jaar Werk Kategorie Uitslag
1993 Short Cuts Span Gewen
1997 Fargo Beste aktrise in ’n komedie of musiekspel Benoem
2001 Almost Famous Beste byspeelster in ’n rolprent Benoem
2006 North Country Benoem
2009 Burn After Reading Beste aktrise in ’n komedie of musiekspel Benoem
2015 Olive Kitteridge Beste aktrise in ’n minireeks of TV-prent Benoem
Beste minireeks of TV-prent Benoem
2018 Three Billboards Outside Ebbing, Missouri Beste aktrise in ’n drama Gewen

Primetime Emmys

[wysig | wysig bron]
Jaar Werk Kategorie Uitslag
1997 Hidden in America Uitmuntende byspeelster in ’n minireeks of rolprent Benoem
2015 Olive Kitteridge Uitmuntende hoofspeelster in ’n beperkte reeks of rolprent Gewen
Uitmuntende beperkte reeks Gewen

Screen Actors Guild Awards

[wysig | wysig bron]
Jaar Werk Kategorie Uitslag
1997 Fargo Uitmuntende spel deur ’n aktrise in ’n hoofrol Gewen
2001 Almost Famous Uitmuntende spel deur ’n span in ’n rolprent Benoem
Uitmuntende spel deur ’n aktrise in ’n byrol Benoem
2006 North Country Benoem
2015 Olive Kitteridge Uitmuntende rol deur ’n aktrise in ’n minireeks of TV-prent Gewen
2018 Three Billboards Outside Ebbing, Missouri Uitmuntende spel deur ’n span in ’n rolprent In afwagting
Uitmuntende spel deur ’n aktrise in ’n hoofrol In afwagting

Eksterne skakels

[wysig | wysig bron]