Ganges

Ganges – Ganga
Die Ganges in Waranasi, Indië. Die Ganges in Waranasi, Indië.
Die stroomgebied van die Ganges en die Brahmaputra.
Oorsprong	Saamvloei van Alaknanda en Bhagirathi (Indië)
Monding	met die Brahmaputra in die Padma, Bangladesj Golf van Bengale
Stroomgebied	Indië en Bangladesj
Lengte	2 525 km (1 569 myl)[1]
Oorspronghoogte	3 892 m (12 769 voet)
Mondinghoogte	0 m (0 voet)
Gemiddelde afloop	16 648 m³/s (587 919 vt³/s)[2]
Stroomgebiedopp.	1 080 000 km² (416 990 myl²)[3]
Kaart van die Ganges-bekken in Asië.

Nasa-Satellietbeeld van die Gangesdelta

Die Ganges of Ganga (Hindi: गंगा; Bengaals: গঙ্গা, Gônga; Sanskrit: गङ्गा; Oerdoe: گنگا, Gaṅgā) is 'n groot oos-vloeiende rivier in Asië. Dié rivier, met 'n lengte van 2 525 km (1 569 myl), is ná die Indus en die Brahmaputra die derde langste rivier in Suid-Asië. Die Ganges is die heiligste rivier in Hindoeïsme^[4] en sterk besoedel deur riool.^[5]

Die Ganges ontstaan deur die saamvloei van die Bhagirathi en die Alaknanda binne die Himalaja in die streek Garhwal van die Indiese deelstaat Uttarakhand, net suid van die grens tot die Chinese outonome gewes Tibet, naby die berg Kailash. Aansluitend vloei dié rivier in 'n suidelike rigting, voordat dit die Groot Vlakte bereik, een van die mees digbevolkte gebiede van die wêreld. Net oos van die Indiese hoofstad Nieu-Delhi vloei die Ganges in 'n oostelike rigting en bereik die deelstaat Uttar Pradesh. Hier vloei dié rivier deur Kanpur, die grootste stad aan die boloop. In Allahabad mond die Yamuna, die Ganges se belangrikste sytak, in dié rivier uit. Net oos daarvan bereik dié rivier die stad Waranasi, in die Hindoeïsme die mees belangrike pelgrimsoord aan die Ganges. Aansluitend vloei die Ganges deur die deelstaat Bihar en bereik Patna, die grootste stad aan dié rivier. Beide stede, Waranasi en Patna, behoort tot Indië se oudste nedersettings. Verder oos vloei dié rivier deur die deelstate Jharkhand en Wes-Bengale, waar waterryke sytakke vanuit die Himalaja in die Ganges uitmond. Aansluitend bereik die Ganges Bangladesj, waar die rivier Hugli genoem word. Net wes van dié land se hoofstad Dhaka vloei die Ganges en die Brahmaputra saam en vorm die Padma. Die Padma vloei verder in 'n suidwestelike en aansluitend in 'n suidelike rigting. Later mond dit in die Gangesdelta in die Golf van Bengale uit.

Fotogalery

• 
  Saamvloei van die Bhagirathi en die Alaknanda-riviere, begin van die Ganges
• 
  Die Ganges naby Kanpur
• 
  Hindoe-pelgrims gaan oor die Gangesrivier tydens die Kumbh Mela in Allahabad
• 
  Die Ganges in Patna

Sien ook

• Gangesdal

Verwysings

1. (en) Sharad K. Jain; Pushpendra K. Agarwal; Vijay P. Singh (5 Maart 2007). Hydrology and water resources of India. Springer. pp. 334–342. ISBN 978-1-4020-5179-1. Besoek op 23 Februarie 2015.
2. (en) Kumar, Rakesh; Singh, R.D.; Sharma, K.D. (10 September 2005). "Water Resources of India" (PDF). Current Science. Bangalore: Current Science Association. 89 (5): 794–811. Besoek op 23 Februarie 2015.
3. (en) Suvedī, Sūryaprasāda (2005). International watercourses law for the 21st century: the case of the river Ganges basin. Ashgate Publishing, Ltd. p. 61. ISBN 978-0-7546-4527-6. Besoek op 23 Februarie 2015.
4. (en) Alter, Stephen (2001), Sacred Waters: A Pilgrimage Up the Ganges River to the Source of Hindu Culture, Houghton Mifflin Harcourt Trade & Reference Publishers, ISBN 978-0-15-100585-7, http://books.google.com/books?id=qb9yQgAACAAJ, besoek op 23 Februarie 2015 
5. "Ganges River" (in Engels). Encyclopædia Britannica. Geargiveer vanaf die oorspronklike op 7 Mei 2020. Besoek op 2 Augustus 2019.

Eksterne skakels

• Wikimedia Commons het meer media in die kategorie Ganges.