Geleedpotiges

Geleedpotiges
'n Honderdpoot.
Wetenskaplike klassifikasie
Koninkryk:	Animalia
Filum:	Arthropoda
Klasse
Subfilum Trilobitomorpha Trilobita (uitgesterf) Subfilum Chelicerata Arachnida Merostomata Pycnogonida Subfilum Myriapoda Chilopoda Diplopoda Symphyla Pauropoda Subfilum Hexapoda Insecta Entognatha Subfilum Crustacea Branchiopoda Remipedia Cephalocarida Maxillopoda Ostracoda Malacostraca

Die Geleedpotiges of artropodes (filum of superfilum Arthropoda) is 'n groot groep ongewerweldes (diere sonder 'n ruggraat).^[1] Diere soos insekte, Spinnekopagtiges (spinnekoppe), skaaldiere (krappe en krewe), garnale en Veelpotiges (duisendpote) is almal Geleedpotiges. Geleedpotiges het gelede pote, 'n gesegmenteerde liggaam en 'n eksoskelet (harde dop om die liggaam).^[1]

Geleedpotiges het verreweg die grootste aantal spesies van enige groep diere,^[1] en moontlik ook van enige filum van enige lewende organismes op aarde. 'n Enkele orde van insekte – die kewers – oortref byvoorbeeld al die ander in die aantal spesies.

Sommige Geleedpotiges, veral die insekte, lewe op land. Hulle harde eksoskelette beskerm hulle teen uitdroging. Hulle is ook die eerste filum wat ware vlug bemeester het.

Die skaaldiere (Crustacea) is ook 'n klas van die Arthropoda, maar lewe meestal in die water of is van klam toestande afhanklik vir oorlewing.

Geleedpotiges is 'n bron van voedsel vir baie diere, insluitend die mens.

Fotogalery

• 
  Duisendpoot
• 
  Spinnekop
• 
  Krap
• 
  Skoenlapper

Verwysings

1. Claire Philip, red. (2016). Die monster-feiteboek oor dinosourusse en lewe in die oertyd. Louise Vorster en Francois Griebenow. Kaapstad: Bargain Books. ISBN 9781920608866.

Bron

• Kennis, 1980, vol. 5, bl. 842-843, ISBN 0 7981 0827 4

Eksterne skakels

• Wikimedia Commons het meer media in die kategorie Geleedpotiges.

• Wikispecies het meer inligting verwant aan Geleedpotiges