Gemeenskaplike Monetêre Gebied

Lidlande van die Gemeenskaplike Monetêre Gebied
'n Euler-diagram van Afrika se interregeringsorganisasies

Die Gemeenskaplike Monetêre Gebied, kort GMG (Engels: Common Monetary Area, CMA), is 'n monetêre unie tussen die Suider-Afrikaanse lande Lesotho, Namibië, Suid-Afrika en Eswatini. In hierdie vier lande is die Suid-Afrikaanse rand 'n wettige betaalmiddel, hoewel Lesotho (Loti), Namibië (Dollar) en Eswatini (Lilangeni) ook hul eie betaalmiddels gebruik. Hulle word egter gelykgestel aan die rand met een-tot-een-wisselkoerse, en daar is geen onmiddellike vooruitsig vir verandering nie. Buitelandse valuta-regulasies en monetêre beleid regdeur die GMG word basies deur die Suid-Afrikaanse Reserwebank besluit, met baie beperkte grade van vryheid vir die kleiner lidlande. Die Gemeenskaplike Monetêre Gebied se amptelike taal is Engels.

Geskiedenis

[wysig | wysig bron]

Die Gemeenskaplike Monetêre Gebied het in Julie 1986[1] in werking getree en het sy oorsprong in die Rand Monetêre Gebied (RMG), wat in Desember 1974[2] deur Suid-Afrika, Lesotho en Eswatini gestig is. Die RMG is in Februarie 1992 deur die hedendaagse GMG vervang nadat Namibië amptelik aangesluit het.[3]

Lidlande

[wysig | wysig bron]
Lidlande volgens oppervlakte en bevolking[4]
Land Oppervlakte

(km²)

Bevolking
Flag of eSwatini Eswatini 17 363 844 223
Vlag van Lesotho Lesotho 30 355 1 741 406
Vlag van Namibië Namibië 824 268 2 104 900
Vlag van Suid-Afrika Suid-Afrika 1 221 037 56 000 000

Sien ook

[wysig | wysig bron]

Verwysings

[wysig | wysig bron]
  1. ↑ (en) "SWAZILAND BUSINESS YEAR BOOK 2005". Geargiveer vanaf die oorspronklike op 18 November 2006. Besoek op 15 Oktober 2008.
  2. ↑ "African Studies Thesaurus" (in Engels). Geargiveer vanaf die oorspronklike op 17 Februarie 2012. Besoek op 15 Oktober 2008.
  3. ↑ (en) [1] Geargiveer 30 Oktober 2008 op Wayback Machine "South Africa’s experience of regional currency areas and the use of foreign currencies", Lambertus van Zyl
  4. ↑ "3. Population by sex, annual rate of population increase, surface area and density" (PDF) (in Engels). United Nations Statistics Division. pp. 1–2. Geargiveer (PDF) vanaf die oorspronklike op 13 Mei 2020. Besoek op 30 Desember 2017.