Genève Internasionale Lughawe
| Genève Internasionale Lughawe Aéroport international de Genève | |||
|---|---|---|---|
| |||
| IATA: GVA – ICAO: LSGG | |||
| Opsomming | |||
| Tipe lughawe | Openbaar | ||
| Eienaar | Stad Genève | ||
| Operateur | Stad Genève | ||
| Bedien | Genève, Switserland | ||
| Ligging | Meyrin en Le Grand-Saconnex | ||
| Spil vir | easyJet Switzerland | ||
| Fokuspunt vir | Swiss International Air Lines | ||
| Hoogte bo seevlak | 430 m / 1 411 vt | ||
| Koördinate | 46°14′18″N 006°06′34″E / 46.23833°N 6.10944°O | ||
| Webtuiste | |||
| Landkaart | |||
  LSGG | |||
| Aanloopbane | |||
| Rigting | Lengte | Oppervlak | |
| m | vt | ||
| 05/23 | 3 900 | 12 795 | Beton |
| 05L/23R | 823 | 2 700 | Gras/Grond |
| Statistieke (2022) | |||
| Passasiers | 14 085 282 | ||
| Lugbewegings | 163 168 | ||
| Vrag (ton) | 70 566 | ||
| Bron: Switserse Lugvaartinligtingspublikasie by EUROCONTROL[1] | |||
Genève Internasionale Lughawe (IATA-kode: GVA, ICAO: LSGG), voorheen bekend as Cointrin Lughawe en amptelik as Genève Aéroport, is die internasionale lughawe van Genève, Switserland. Dit is geleë 4 km noordwes[1] van die sentrum van die stad en het 14 085 282 passasiers bedien met 163 168 vliegtuigbewegings in 2022.[2] Dit is 'n spilpunt vir easyJet Switserland en 'n fokusstad vir Swiss International Air Lines.
Sy noordelike grens is langs die Switsers-Franse grens en die lughawe kan vanaf albei lande bereik word. Die vragbedrywighede is ook toeganklik van beide lande, dit maak van Genève 'n Europese Unievragmiddelpunt hoewel Switserland nie 'n lid van die EU is nie. Die lughawe is gedeeltelik geleë in die kommune van Meyrin en gedeeltelik in die munisipaliteit van Le Grand-Saconnex.[3][4]
Fasiliteite
[wysig | wysig bron]Aanloopbane
[wysig | wysig bron]Die lughawe het 'n enkele betonaanloopbaan (22/04), wat die langste in Switserland is met 'n lengte van 3 900 m (12 795 voet) en een van die langste in Europa, wat dit geskik maak vir gebruik deur vliegtuie van alle bestaande groottes. Langs die kommersiële aanloopbaan is 'n kleiner, parallelle, grasaanloopbaan (04L/22R) vir ligte vliegtuie. Sedert sy opening was die aanloopbaan bekend as 05/23 tot 13 September 2018, toe dit verander is na 04/22 as gevolg van die magnetiese noordpool wat beweeg het. Gewoonlik word aanloopbaan 22 gebruik wanneer die wind stil is. As die wind sterker as 4 knope (7,4 km/h) is en in 'n rigting van 320 tot 140 grade waai, sal aanloopbaan 04 gebruik word.
Terminale
[wysig | wysig bron]Genève-lughawe het twee passasiersterminale: die nuwer en groter Terminaal 1 (T1), wat die meeste vlugte bevat, en die kleiner en slegs seisoenaal gebruik Terminaal 2 (T2). Dit het ook 'n Business Aviation Terminal, ook bekend as Terminaal 3 (T3).
Terminaal 1
[wysig | wysig bron]Terminaal 1, ook bekend as Hoofterminaal (M) is verdeel in 5 piere, A, B, C, D en F.
Piere A, B, C en D is aan die Switserse kant van Terminaal 1 geleë. Passasiers wat vanaf hierdie hekke (na Switserse of internasionale bestemmings) reis, meld by die hoof-inboeksaal in en gebruik die sentrale sekuriteitskontrole bokant die inboeksaal. Pier A is direk voor die hoofwinkelgebied geleë en bedien bestemmings in die Schengen-area.
Terminaal 2
[wysig | wysig bron]Terminaal 2 word slegs gedurende die winterhuurseisoen gebruik. Dit is Genève-lughawe se oorspronklike terminaal. Dit is in 1946 gebou en het in gebruik gebly tot die 1960's toe die hoofterminaal geopen is. Fasiliteite by Terminaal 2 is swak, met net een restaurant en geen belastingvrye winkels nie.
Business Aviation Terminal
[wysig | wysig bron]Die "Business Aviation Terminal", of Terminaal 3 (T3), is geleë aan die suidwestelike punt van die lughawe, sowat 2 km vanaf Terminaal 1. Hierdie terminaal is 'n spilpunt vir private stralerhuurmaatskappye (ook bekend as Fixed-Base Operators, of FBO's) wat fasiliteite bied, insluitend BBP-sitkamers, private immigrasie en doeaneklaring. Parkering by Terminaal 3 is beperk.[5]
Verwysings
[wysig | wysig bron]- ↑ 1,0 1,1 EAD Basic
- ↑ Genève Internasionale Lughawe statistiek
- ↑ "Plan de commune Geargiveer 6 Julie 2011 op Wayback Machine." Meyrin. Besoek op 29 September 2009.
- ↑ "PLAN DIRECTEUR Geargiveer 6 Julie 2011 op Wayback Machine." Le Grand-Saconnex. 117 (3/4). Besoek op 29 September 2009.
- ↑ "Geneva Airport Business Aviation Terminal". albajet.com. Geargiveer vanaf die oorspronklike op 23 Oktober 2020. Besoek op 30 Oktober 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
