Glen

Glen Coe in die Skotse Hoogland

Brittanje

[wysig | wysig bron]

Die term glen verwys na 'n lang, diep en dikwels U-vormige vallei in die Skotse Hoogland of ander Keltiese gebiede op die Britse Eilande. Daarnaas word ook valleie met 'n waterloop glens genoem.[1]

Die term is van Goideliese herkoms (vergelyk gleann in Skots- en Iers-Gaelies en glion of glan in Manx). Dit is verwant aan die Walliese glyn. As die naam van 'n rivier is dit waarskynlik afgelei van die Walliese woord glan ("skoon") of gleindid ("reinheid").

Glen kom dikwels as deel van 'n pleknaam voor, soos Great Glen of Glenrothes in Fife, Skotland; Glendalough in die Republiek van Ierland; Glengowrie in Suid-Australië en ander nedersettings.

Voorstede van Pretoria

[wysig | wysig bron]

Die twee voorstede in die ooste van Pretoria, nl. Lynnwood Glen en Faerie Glen, se name verwys na dieselde begrip van 'n glen, omrede die Moreletaspruit daardeur vloei.

Verwysings

[wysig | wysig bron]
  1. ↑ John Whittow: Dictionary of Physical Geography. Londen: Penguin 1984