Godfrey Huggins

Godfrey Huggins
Godfrey Huggins
1ste Eerste Minister van die Federasie van Rhodesië en Njassaland
Ampstermyn
7 September 1953 – 2 November 1956
Monarg Elizabeth II
Voorafgegaan deur Amp geskep
Opgevolg deur Roy Welensky
Eerste Minister van Suid-Rhodesië
Ampstermyn
12 September 1933 – 7 September 1953
Monarg George V
Edward VIII
George VI
Elizabeth II
Voorafgegaan deur George Mitchell
Opgevolg deur Garfield Todd
Minister van Buitelandse Sake van die Federasie van Rhodesië en Njassaland
Ampstermyn
7 September 1953 – 2 November 1956
Monarg Elizabeth II
Voorafgegaan deur Amp geskep
Opgevolg deur Roy Welensky
Minister van Verdediging van die Federasie van Rhodesië en Njassaland
Ampstermyn
7 September 1953 – 2 November 1956
Monarg Elizabeth II
Voorafgegaan deur Amp geskep
Opgevolg deur Roy Welensky
1ste Burggraaf Malvern
Ampstermyn
1955 – 1971
Monarg Elizabeth II
Voorafgegaan deur Amp geskep
Opgevolg deur John Huggins
Persoonlike besonderhede
Gebore 6 Julie 1883
Bexley, Suidoos-Londen, Verenigde Koninkryk
Sterf 8 Mei 1971
Salisbury, Rhodesië (tans Zimbabwe)
Politieke party Reform Party
United Federal Party
United Rhodesia Party

Sir Godfrey Martin Huggins (amptelik burggraaf Malvern – "the Right Honourable First Viscount of Rhodesia and of Bexley") (gebore Bexley, Kent, Engeland 6 Julie 1883, oorlede Salisbury, Rhodesië 8 Mei 1971) was dokter, eerste minister van Suid-Rhodesië (1933 tot 1953) en van die Sentraal-Afrikaanse Federasie (1953 tot 1956).

Huggings kry sy skoolopleiding aan Malvern-kollege en kwalifiseer daarna as dokter in Londen in 1906. Tot 1911 werk hy in Londense hospitale en verhuis toe na Suid-Rhodesië. Hy wou slegs 'n paar maande bly, maar besluit om hom in die gebied te vestig na hy 'n vennootskap aangebied word. Tydens die Eerste Wêreldoorlog dien hy in Engeland en op Malta en raak in dié tyd 'n kenner op die gebied van wonde en amputasies, waaroor hy talle boeke en geskrifte publiseer. In 1918 keer hy terug na sy aangenome land.

Reeds in 1924 betree Huggins die politiek as lid van die eerste Wetgewende Vergadering ingevolge verantwoordelike regering as lid van die Rhodesian Party en die jaar daarna word hy partyleier. In 1933 is hy met 'n klein meerderheid herkies en vorm later 'n koalisie met sir P.D.L. Flynn, wat lei tot die geboorte van die United Party. Hoewel hy as suksesvolle politikus ontluik het, was hy nog jare lank ook in privaat praktyk. In 1941 slaan die Britse koning hom tot ridder.

Huggins was 'n voorstander van noue bande met Brittanje, maar was nietemin sedert 1935 ten gunste van samesmelting met die twee protektorate noord van Suid-Rhodesië, naamlik Noord-Rhodesië en Njassaland. Brittanje het dié beweging gekeer en uiteindelik word Huggins in 1953 die eerste premier van die Sentraal-Afrikaanse Federasie, 'n amp wat hy beklee tot met sy aftrede in 1956.

In Januarie 1955 maak die koningin hom 'n burggraaf en hy kies 'n titel bestaande uit die name van sy skool, geboorteplek en sy aangenome vaderland. Ten tyde van sy aftrede het hy die rekord gehou vir die langs dienende Statebondsleier, 7 829 dae.

Bronne

[wysig | wysig bron]
  • Akers, Mary (red.), Encyclopaedia Rhodesia, The College Press Pvt. Ltd., Salisbury, 1973.
  • Rosenthal, Eric, "Encyclopaedia of Southern Africa", Juta and Company Limited, Kaapstad, 1978.