Golf van Bengale
| Golf van Bengale | |
|---|---|
 Ligging van die Golf van Bengale | |
 Kaart van die Golf van Bengale | |
| Koördinate: | 15°N 88°O / 15°N 88°O |
| Ligging: | Indië, Bangladesj, Thailand, Mianmar, Indonesië, Maleisië, Sri Lanka[1][2] |
| Soort: | Golf van die Indiese Oseaan |
| Oppervlakte: | 2 172 000 km² (839 000 myl²) |
| Gemiddelde diepte: | 2 600 meter (8 500 voet) |
| Maksimum diepte: | 4 694 meter (15 400 voet) |
| Lengte: | 2 090 km (1 300 myl) |
| Breedte: | 1 610 km (1 000 myl) |
| Invloei: | Brahmaputra, Ganges, Godavari, Irrawaddy, Kaveri, Krisjna, Mahanadi |
| Eiland/e: | Andaman- en Nicobar-eilande |
| Nedersettings: | Chennai, Chittagong, Kalkutta, Visakhapatnam, Yangon |
Die Golf van Bengale of Baai van Bengale (Bengaals: বঙ্গোপসাগর baṅgopasāgar, Birmaans: ဘင်္ဂလားပင်လယ်အော်, Hindi: बंगाल की खाड़ी baṅgāl kī khāṛī, Indonesies: Teluk Benggala, Maleis: Teluk Benggala, Tamil: வங்காள விரிகுடா, Telugu: బంగాళాఖాతము, Thai: อ่าวเบงกอล) is 'n golf of baai wat deel uitmaak van die Indiese Oseaan en word sekelvormig omgrens deur die Sri Lanka, Indië, Bangladesj, Mianmar, Thailand, Maleisië en Indonesië. Die oppervlakte daarvan is ongeveer 2 172 000 km² en die Golf van Bengale word as die grootste golf ter wêreld beskou.[3]
Die Golf van Bengale word deur 'n denkbeeldige lyn tussen Sri Lanka in die weste en Sumatra in die ooste van die Indiese Oseaan geskei en is genoem ná die streek Bengale. Die oostelike deel van die golf, geleë tussen Mianmar en Thailand oos van die Andaman- en Nicobar-eilande, word die Andamanse See genoem.[4]
Groot stede aan die golf is Chennai, Chittagong, Kalkutta, Visakhapatnam en Yangon en die belangrikste riviere wat in die see uitmond is die Brahmaputra, Ganges, Godavari, Irrawaddy, Kaveri, Krisjna en die Mahanadi. In Suid-Indië loop die Oos-Ghats parallel tot die Golf van Bengale se weskus.
Verwysings
[wysig | wysig bron]- ↑ (en) Map of Bay of Bengal- World Seas, Bay of Bengal Map Location - World Atlas
- ↑ (en) Chowdhury, Sifatul Quader (2012). "Bay of Bengal". In Islam, Sirajul; Jamal, Ahmed A. (reds.). Banglapedia: National Encyclopedia of Bangladesh (Second uitg.). Asiatic Society of Bangladesh.
- ↑ "Bay of Bengal" (in Engels). Wildlife Conservation Society. Geargiveer vanaf die oorspronklike op 29 Julie 2015. Besoek op 1 Desember 2012.
- ↑ "Bay of Bengal" (in Engels). Encyclopædia Britannica. Geargiveer vanaf die oorspronklike op 30 April 2020. Besoek op 27 April 2019.
Eksterne skakels
[wysig | wysig bron]
Wikimedia Commons het meer media in die kategorie Golf van Bengale.
