Google Chrome

Google Chrome
Kort opsomming van die logo.
Ontwikkelaar Google
Bedryfstelsel Windows, Linux, Mac OS X
Kategorie Webblaaier
Lisensie BSD-lisensie
Webblad google.com/chrome

Google Chrome is 'n oopbron webblaaier wat deur Google ontwikkel word en ten doel het om 'n veiliger, vinniger, en meer gebruikersvriendelike webblaaier daar te stel wat gevorderde webtoepassings kan ondersteun.

Google Chrome maak van die WebKit-vertoonenjin gebruik. Dit maak ook deels gebruik van ander oopbrontegnologieë, veral dié van Mozilla. Google Chrome is gebaseer op Chromium, een van Google se oopbronprojekte.[1]

Geskiedenis

[wysig | wysig bron]

Die nuus oor Google Chrome het bekend geword nadat die maatskappy per abuis inligting daaroor op hulle webjoernaal gepos het. Google het kort daarna 'n wêreldwye betaprogram, op 2 September 2008, van stapel gestuur.[2]

Google Chrome is aanvanklik net vir Microsoft Windows beskikbaar gestel. Weergawes vir Linux en Mac OS X is wel later beskikbaar gestel.

Die webblaaier beskik nie oor 'n Afrikaanse speltoetser (soos by Firefox) nie, alhoewel 'n versoek daarvoor ingedien is.[3]

Eienskappe

[wysig | wysig bron]

Van Google Crome se eienskappe sluit in:

  • Outomatiese aanvulling van webadresse,
  • 'n Heelnuwe JavaScript-enjin.
  • Gevorderde moontlikhede m.b.t. webtoepassings
  • Phishing- en malwarefilter (maak van die Google "Safe Browsing API" gebruik)
  • Integrasie met Google Gears.
  • Elke oortjie en inprop word in 'n eie proses uitgevoer (dit help met stabiliteit en voorkom dat te veel geheue gebruik word).
  • 'n Privaatmodus[4]

Verwysings

[wysig | wysig bron]
  1. ↑ http://code.google.com/chromium/
  2. ↑ http://googleblog.blogspot.com/2008/09/fresh-take-on-browser.html
  3. ↑ Issue 82125: Add Afrikaans spell checking dictionary, besoek op 16 Oktober 2011
  4. ↑ http://blogoscoped.com.nyud.net/google-chrome/22[dooie skakel]

Eksterne skakels

[wysig | wysig bron]