Grumman A-6 Intruder

Grumman A-6 Intruder
KA-6D Intruder van Attack Squadron 34 (VA-34 "Blue Blasters")
Tipe Vegvliegtuig
Vervaardiger Grumman
Nooiensvlug 19 April 1960
Bekendstelling 1963
Onttrek 1993 (Mariene Korps), 1997 (Vloot)
Hoofgebruikers Amerikaanse Vloot
Amerikaanse Marinierskorps
Aantal gebou 693

Die Grumman A-6 Intruder is 'n Amerikaanse aanvalsvliegtuig wat deur die Amerikaanse Vloot en Amerikaanse Marinierskorps gebruik was. Die Intruder is 'n tweesitplek, alleweertoestand subsoniese aanvalsvliegtuig wat op vliegdekskepe gebaseer is. Die ontwerp was gedoen na aanleiding van 'n 1957 kompetisie van die Amerikaanse Vloot wat 'n taktiese aanvalsvliegtug wat op lae hoogtes kan werk met 'n lang strekafstand versoek het. Die eindresultaat was 'n vliegtuig wat nie oor die beste vlieg vermoëns beskik het nie, maar was uitstekend in die aanvalsrol. Die A-6 prototipe het sy nooiensvlug op 19 April 1960 voltooi en daarna was 482 produksie eenhede afgelewer aan die Vloot vanaf vroeg 1963.

So begin 'n loopbaan van 34 jaar vir die vliegtuig; nagvlugte oor die oerwoude van Viëtnam tot missies tydens Operasie Desert Storm tydens die Golfoorlog oor goed bewapende vyandelike vestings oor Iran waartydens die Intruder 'n goeie reputasie opgebou het. Sy vermoë om in alle weertoestande, dag of nag sendings uit te voer, vermoë om laag te vlieg, groot togafstand, groot bomvrag en betroubaarheid het van die vliegtuig 'n staatmaker gemaak. Dit het deelgeneem aan elke konflik waarin die Verenigde State betrokke was sedert die Viëtnamoorlog tot in die laat 1990's.

Die Intruder is nie toegerus met enige masjiengewere nie en beskik nie oor 'n interne bomrak nie. Maar dit kon konvensionele of kernkrag bomme, brandstof tenks of vuurpyle en missiele onder die vlerke dra.

Model A-6E

[wysig | wysig bron]

Hierdie model was 'n opgradering van die A-6 en het bewys dat dit een van die beste alleweerstoestand en akkuraatste bomwerpers was. Tydens die Libië konflik het A-6E Intruders die Libiese lugverdediging stelsel binnegedring deur laag in die nag te vlieg, meer as 100 geleide missiele te vermy en die teikens te tref met laser geleide missiele.

Model EA-6B

[wysig | wysig bron]

Model EA-6B is bekend as die Prowler en is ontwikkel van model EA-6A. Dit was in werklikheid 'n Intruder se raam wat volgepak is met elektroniese teenmaatreëls en intelligensie versamel toerusting. Hulle was ontwikkel om saam met die Intruders te vlieg in Viëtnam. Maar die Prowler is 'n vliegtuig in sy eie reg wat 'n sambreel van beskerming verleen aan die aanvalsvliegtuie deur die vyande se beskermings maatreëls buite aksie stel of te onderdruk.

Terwyl die Intruders reeds uit diens onttrek is, sal die Prowlers nog 'n geruime tyd vir aktiewe diens gebruik word.

Tegniese besonderhede

[wysig | wysig bron]
Besonderhede van die Grumman A-6E Intruder:
Item Statistiek
Aantal motore 2
Tipe motor Straalmotor
Vervaardiger Pratt & Whitney J52-P-8B turbostraal
Kraglewering per motor 4 222 kg stukrag
Vlerkspan 16,15 m
Lengte 16,69 m
Hoogte 4,93 m
Vlerkoppervlakte 49,13 m2
Maks. opstygmassa 26 604 kg
Maks. snelheid 1 035 km/h
Operasionele hoogte 12 932 m
Togafstand 1 627 km
Klimvermoë 2 621 m per minuut
Bewapening Tot 8172 kg bomme of missiele onder die vlerke

Sien ook

[wysig | wysig bron]

Bron

[wysig | wysig bron]