HMS Dreadnought

Die HMS Dreadnought ter see. Let op die anti-torpedo nette langs die kante.

Die HMS Dreadnought was 'n slagskip van die Britse Vloot. Hy was te water gelaat in 1906 in Portsmouth en was die eerste oorlogskip wat aangedryf was deur 'n Parsonsturbine. Die skip se topsnelheid was 21 knope. Hy was toegerus met tien 12-duim en sewe-en-twintig 3-duim kanonne asook twee torpedobuise. Hy het 17 900 ton water verplaas. Sy ontwerp was so gevorderd dat hy alle bestaande oorlogskepe verouderd gemaak het met sy tewaterlating. Daarna is na slagskepe verwys as 'pre-Dreadnought' en 'post-Dreadnought'. Ironies het HMS Dreadnought nooit deelgeneem aan enige slagte nie. Tydens die Slag van Jutland was hy in die droogdok gewees vir opgraderingswerk.

Bron

• The Encyclopedia of Sea Warfare. Spring Books. 1975. ISBN 0-600-33111-3