HMS Iron Duke

Die HMS Iron Duke

Die HMS Iron Duke was 'n slagskip van die Britse Vloot en het diens gedoen tydens die Eerste Wêreldoorlog. Hy was die vlagskip van die Britse Vloot vanaf 1914 tot 1916. Die Iron Duke was 'n ware slagskip: swaar gewapen en swaar gepantser. Hy het 'n 13-duim laag pantser gehad en was toegerus met tien 13,5 duim kanonne. Sy verplasing was 25 000 ton. Hy het ook sekondêre kanonne gedra, wel twaalf 6-duim kanonne, en ook toegerus met vier 21-duim torpedobuise. Verder was hy toegerus met twee 3-duim lugafweerkanonne, die eerste skip wat met sodanige kanonne toegerus was. Hy het beïndruk met sy akkurate skietwerk tydens die Slag van Jutland en het onder andere die SMS König getref.

Aandrywing

Hy was toegerus met vier stoomturbines wat 29 000 dryfasperdekrag gelewer het en wat 'n spoed van 21 knope verseker het.

Bron

• The Encyclopedia of Sea Warfare. Spring Books. 1975. ISBN 0-600-33111-3

Eksterne skakels

Wikimedia Commons bevat media in verband met HMS Iron Duke (ship, 1912).