Hansa-Brandenburg W.12
| Hansa-Brandenburg W.12 | |
|---|---|
 | |
| Tipe | Veg-vliegboot |
| Vervaardiger | Hansa und Brandenburgische Flugzeug-Werke |
| Ontwerp deur | Ernst Heinkel |
| Nooiensvlug | 1917 |
| Aantal gebou | 181 |
Die Hansa-Brandenburg W.12 was tweesitplek, Duitse dubbeldekker, veg-vlottervliegtuig wat tydens die Eerste Wêreldoorlog diens gedoen het. Die Duitse Vloot owerhede het geleer uit ondervinding dat enkelsitplek vegvliegtuie kwesbaar was vir aanvalle van agter. In die herfs van 1916 het Ernst Heinkel begin werk aan die ontwerp van die W.12. Die prototipe was voltooi in Januarie 1917. Die ontwerp was van so aard dat die romp byna ewe groot was van voor tot agter. Dit het tot gevolg gehad dat die vliegboot 'n lang kiel gehad het wat dit meer stabiel tydens vlugte gemaak het. Die stertvlerke was op die romp monteer met 'n kompakte rigtingroer agter die romp. Dit het tot gevolg gehad dat die verkenner, wat agter die vlieënier gesit het, 'n feitlik onbeperkte vuurlyn gehad het.
Die prototipe was in 'n ongeluk betrokke, nogtans is daar begin met produksie. Eenhonderd vyf en veertig eenhede was afgelewer vanaf April 1917 tot Maart 1918. Hulle was afgelewer in die volgende hoeveelhede: ses met 160 perdekrag Mercedes D.III motors en verkoelers op die vlerke, dan hoeveelhede van 9,20,20 en 30 met 150 perdekrag Bz.III motors en verkoelers voor die motor, en twee laaste hoeveelhede van 40 en 20 met Mercedes motors. Daar was klein veranderinge tussen die verskillende groepe. Die vierde groep aangedryf deur Mercedes motors was toegerus met twee Spandau masjiengewere voor, die res een aan die stuurboord kant. Alle W.12's was toegerus met 'n Parabellum masjiengeweer agter in die kajuit.
Die W.12 was in diens gestel in April 1917 en het goeie rekenskap gegee in hul rol as verdedigers van vliegboot- en vloot basisse. Hulle was soms ook bebruik vir verkenning.
Tegniese besonderhede
[wysig | wysig bron]| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Benz Bz.III waterverkoelde, inlyn suierenjin |
| Kraglewering per motor | 150 perdekrag |
| Vlerkspan | 11,20 m |
| Lengte | 9,65 m |
| Hoogte | 3.30 m |
| Vlerkoppervlakte | 36,20 m2 |
| Maksimum opstygmassa | 1 465 kg |
| Maksimum snelheid | 160 km/h op seevlak |
| Operasionele hoogte | 5 000 m |
| Uithouvermoë | 3 ure 30 minute |
| Klimvermoë | Onbekend |
| Bewapening | Spandau masjiengeweer. |
Sien ook
[wysig | wysig bron]Bron
[wysig | wysig bron]- Fighters 1914-1919: Attack and Training Aircraft, Kenneth Munson, 2004, ISBN 978-0-753721-73-5