Hazbin Hotel

Hazbin Hotel is 'n Amerikaanse animasie-musiekblyspelreeks vir volwassenes geskep deur Vivienne "VivziePop" Medrano.[1][2] Die loodsepisode van die reeks is op 28 Oktober 2019 op YouTube vrygestel.

Die reeks fokus op Charlie Morningstar, die prinses van die hel en die dogter van Lucifer, wat vir haarself 'n byna onmoontlike doel stel: om die demone van die hel te help om beter te wees en in die hemel te kom.[3]

Die reeks is deur die onafhanklike filmmaatskappy A24 vervaardig. Die program se eerste seisoen het op 19 Januarie 2024 op Prime Video verskyn en daar word aan 'n tweede seisoen gewerk.

Vertrekpunt

[wysig | wysig bron]

Charlie Morningstar, die prinses van die hel, open 'n hotel genaamd die "Happy Hotel", waar sy demone van die hel wil leer om beter mense te wees, in die hoop om hulle in die hemel te kry. As gevolg van oorbevolking gaan die hel een keer per jaar deur 'n jaarlikse suiwering, waar engele uit die hemel neerdaal en demone doodmaak. Charlie vind dit ontstellend, en wil 'n vreedsamer oplossing vir die oorbevolkingsprobleem vind.[4]

Met die hulp van haar bestuurder en vriendin, Vaggie, en hul eerste kliënt, die pornografiese rolprentakteur Angel Dust, probeer sy om haar droom te bewaarheid. Haar plan trek die aandag van die kragtige "Radio Demon", Alastor. Hy dink haar idee is onmoontlik, maar hy wil vir Charlie help om die hotel te bestuur, want hy dink dit is snaaks.[5] Alastor herdoop die Happy Hotel na die Hazbin Hotel aan die einde van die loodsepisode.

Karakters

[wysig | wysig bron]
  • Charlie Morningstar[6][7] (stem deur Erika Henningsen), die hoofkarakter van die reeks. Sy is die prinses van die hel en die dogter van Lucifer en Lilith. Sy is die stigter van die Hazbin Hotel. Sy dink dat alle demone beter mense kan wees, al glo die meeste van hulle haar nie.
  • Vaggie (stem deur Stephanie Beatriz), Charlie se vriendin en bestuurder van die Hazbin Hotel. Sy het 'n humeur, maar probeer haar bes om kalm te bly wanneer sy die hotel bestuur.
  • Angel Dust (stem deur Blake Roman), 'n volwassefilmster en die hotel se eerste inwoner. Hy beland dikwels in die moeilikheid en verontagsaam die hotelreëls.
  • Alastor (stem deur Amir Talai en sangstem deur Gabriel C. Brown (loodsepisode)), een van die kragtigste heersers van die hel. Hy is Charlie se sakevennoot en verkies om by die hotel te werk omdat hy haar snaaks vind.[8]
  • Husk (stem deur Keith David), 'n kwaai kroegman by die hotel. Hy is 'n alkoholis, en hy hou van dobbel.

Verwysings

[wysig | wysig bron]
  1. ↑ Medrano, Vivienne (12 Februarie 2019). SVA Features VivziePop - Vivienne Medrano (Online). Onderhoud met SVA. YouTube. Geargiveer vanaf die oorspronklike op 1 Februarie 2020. Besoek op 2 November 2020.
  2. ↑ Vollenbroek, Tunde (29 April 2019). "7 Tips For Building A Successful Animation Channel On Youtube". Cartoon Brew (in Engels). Geargiveer vanaf die oorspronklike op 4 Februarie 2020. Besoek op 2 November 2020.
  3. ↑ sgathaich0 (7 Oktober 2020). "Sgathaich: Hazbin Hotel". The Orkney News. Geargiveer vanaf die oorspronklike op 6 November 2020. Besoek op 5 November 2020.
  4. ↑ Vivziepop (29 Julie 2019). "VIVZIE STREEM- MONDAYS AMIRITE -#3". YouTube. Geargiveer vanaf die oorspronklike op 29 Maart 2020. Besoek op 21 Julie 2020.
  5. ↑ Brueheim, Jackson (13 Mei 2020). "Hazbin Hotel: 10 Astonishing Pieces of Fan Art". CBR (in Engels). Geargiveer vanaf die oorspronklike op 12 Junie 2020. Besoek op 21 Julie 2019.
  6. ↑ Hazbin Hotel [@HELLAVERSE] (5 Mei 2018). "We want to help everyone get to know our cast! So today we are sharing some official info!" (Tweet). Geargiveer vanaf die oorspronklike op 15 Februarie 2022. Besoek op 7 Februarie 2020 – via Twitter.
  7. ↑ Hazbin Hotel [@HazbinHotel] (22 Februarie 2022). "Introducing Charlie Morningstar, our very own princess of hell 😈 #HazbinHotel" (Tweet). Geargiveer vanaf die oorspronklike op 22 Februarie 2022. Besoek op 23 Februarie 2022 – via Twitter.
  8. ↑ "Inking the Hazbin Hotel ALASTOR Comic - YouTube". 17 Junie 2020. Geargiveer vanaf die oorspronklike op 17 Junie 2020. Besoek op 20 Januarie 2021.
  9. ↑ Peters, Danielle (15 Februarie 2019). ""Animation is Magic": SVA Alumnus VivziePop on Perseverance, Inspiration and 'Hazbin Hotel'". SVA NYC. School of Visual Arts. Geargiveer vanaf die oorspronklike op 2 Desember 2019. Besoek op 29 Oktober 2019.
  10. ↑ Caultron, Cara (5 November 2019). ""Hazbin Hotel:" A Victory for Independent Animation". The Issaquah High Times. Geargiveer vanaf die oorspronklike op 6 November 2020. Besoek op 5 November 2020.

Eksterne skakels

[wysig | wysig bron]