Heinrich Schiff

Heinrich Schiff (18 November 1951 – 23 Desember 2016) was 'n Oostenrykse tjellis en dirigent.

Vroeë lewe

[wysig | wysig bron]

Heinrich Schiff is op 18 November 1951 in Gmunden, Oostenryk gebore.[1] Sy ouers Helga (neè Riemann) en Helmut Schiff was komponiste.[1] Hy het tjello studeer onder Tobias Kühne en André Navarra, en in 1971 sy solodebuut in Wene en Londen gemaak. Hy het komposisie onder Hans Swarowsky gestudeer.

Loopbaan

[wysig | wysig bron]

Schiff het sy buiging as dirigent in 1986 gemaak.[1] Hy was vanaf 1990 tot 1996 artistieke direkteur van die Northern Sinfonia,[1] en het saam met die orkes opnames vir die Collins Classics plaat-etiket gemaak.[2] Hy was ook hoofdirigent van die Kopenhagen Filharmoniese Orkes in Kopenhagen, Denemarke (1996-2000) en die Orchester Musikkollegium Winterthur (1996-2001)[3].

In 2004 is hy as hoofdirigent van die Weense Kamerorkes aangestel, en het in die hoedanigheid van 2005 tot 2008 gedien.[1] Hy het die pos in 2008 om gesondheidsredes opgesê.[4]

Schiff het die "Mara" Stradivarius (1711) en "Sleeping Beauty", wat deur Domenico Montagnana in 1739 in Venesië gemaak is, bespeel.[5] Sy opname van Bach se Tjellosuites het verskeie pryse gewen en sy opname van Sjostakowitsj se concertos het in 1985 die Grand Prix du Disque gewen.[1] Sy opname van Brahms se Dubbelconcerto saam met Frank Peter Zimmermann en Wolfgang Sawallisch het die Deutscher Schallplattenpreis gewen. Komponiste wat tjelloconcertos vir Schiff geskryf het sluit John Casken[2][5] en Friedrich Gulda in.[6]

Onder sy studente tel Rudi Spring, Gautier Capuçon, Richard Harwood en Natalie Clein.

Ander

[wysig | wysig bron]

Schiff het dikwels pyn in sy regterskouer en - arm ondervind, te wete die arm wat die strykstok vasgehou het. Dit is vermoedelik veroorsaak deur ooreising, en Schiff het die pyn probeer ignoreer. Terwyl hy op 25 April 2010 aan 'n kamerkonsert in Wene deelgeneem het, moes hy gedurende optredes breke neem as gevolg van die pyn. Na die aand het hy nooit weer in die openbaar tjello gespeel nie.[7]

Die "Mara"-tjello word sedert 2012 deur Christian Poltéra, een van Schiff se voormalige studente, bespeel.[8][9]

Afsterwe

[wysig | wysig bron]

Schiff het op 23 Desember 2016 in Wene op die ouderdom van 65 jaar beswyk.[1][10]

Verwysings

[wysig | wysig bron]
  1. ↑ 1,0 1,1 1,2 1,3 1,4 1,5 1,6 Millington, Barry (30 Desember 2016). "Heinrich Schiff obituary". The Guardian (in Engels). Geargiveer vanaf die oorspronklike op 2 Januarie 2020. Besoek op 1 Januarie 2017.
  2. ↑ 2,0 2,1 Andrew Clements (4 Julie 2003). "Casken: Darting the Skiff; Maharal Dreaming, etc: Schiff/ Northern Sinfonia/ Casken". The Guardian (in Engels). Geargiveer vanaf die oorspronklike op 2 Januarie 2020. Besoek op 7 Februarie 2009.
  3. ↑ nzz.ch
  4. ↑ "Stefan Vladar neuer Chefdirigent des Wiener Kammerorchesters". Vienna Online (in Duits). 16 Mei 2008. Geargiveer vanaf die oorspronklike op 27 September 2011. Besoek op 7 Februarie 2009.
  5. ↑ 5,0 5,1 Griffiths, Bill, Northern Sinfonia. Northumbria University Press, p. 21 (ISBN 1904794076).
  6. ↑ Andrew Clements (10 Augustus 1999). "Colour and spice: Gulda's Cello Concerto (Royal Albert Hall / Radio 3)". The Guardian (in Engels). Geargiveer vanaf die oorspronklike op 2 Januarie 2020. Besoek op 7 Februarie 2009.
  7. ↑ Amling, Ulrich (23 Desember 2016). "Zum Tod des Cellisten Heinrich Schiff". Der Tagesspiegel (in Duits). Geargiveer vanaf die oorspronklike op 2 Januarie 2020. Besoek op 2 Januarie 2019.
  8. ↑ www.christianpoltera.com
  9. ↑ Die Zeit 7 Mei 2015 / Carolin Pirich: Oh, Mara!
  10. ↑ "ZUM TOD DES CELLISTEN UND DIRIGENTEN" (in Duits). 23 Desember 2016. Geargiveer vanaf die oorspronklike op 2 September 2019.

Eksterne skakels

[wysig | wysig bron]
Kulturele poste
Voorafgegaan deur
Richard Hickox 		Artistieke direkteur, Northern Sinfonia
1990-1996 		Opgevolg deur
Jean-Bernard Pommier
Voorafgegaan deur
János Fürst 		Hoofdirigent, Orchester Musikkollegium Winterthur
1995-2001 		Opgevolg deur
Jac van Steen
Voorafgegaan deur
Okko Kamu (eerste gasdirigent) 		Hoofdirigent, Kopenhagen Filharmoniese Orkes
1996–1999 		Opgevolg deur
Giordano Bellincampi
Voorafgegaan deur
Christoph Eberle 		Hoofdirigent, Weense Kamerorkes
2005–2008 		Opgevolg deur
Stefan Vladar