Hendrik I van Engeland

Hendrik I
Koning van Engeland

Huis Huis van Normandië
Regeer 3 Augustus 1100 – 1 Desember 1135
Voorganger Willem II
Opvolger Stefanus
Eggenote Matilda van Skotland
Adelheid van Leuven
Kinders Keiserin Matilda
William Adelin
Gebore c. 1068/1069
Oorlede 1 Desember 1135
Vader Willem die Veroweraar
Moeder Matilda van Vlaandere

Hendrik I (c. 1068 – 1 Desember 1135) was van 1100 tot met sy dood koning van Engeland. Hy was die jongste seun van Willem die Veroweraar en die opvolger van sy broer Willem II Rufus.

Sy bynaam was Beauclerc vanweë sy goeie opvoeding en wye belangstellings. Hy was waarskynlik die eerste koning van die Huis van Normandië wat vloeiend Engels kon praat.

Bewind

[wysig | wysig bron]

Ná die dood van Willem die Veroweraar het Willem II Engeland geërf en sy broer Robert Normandië. Ná die dood van Willem II het Hendrik die Engelse troon verower terwyl sy broer Robert op sy pad terug was van ’n kruistog.

Sy regering word gekenmerk deur verbeterings aan die landsbestuur en regspraak. Hy het die grondgebiede van sy pa, Engeland en Normandië, herenig en ’n einde gemaak aan die konflik met die kerk wat sy broer veroorsaak het. Hy het dit ook reggekry dat die baronne sy dogter, Matilda, vrou van die Duitse keiser Hendrik V, ná die dood van sy enigste seun in 1120 as opvolger aanvaar het.

Op 11 November 1100 het Hendrik getrou met Edith (wat haar naam na Matilda verander het om die Normandiese baronne tevrede te stel). Sy was die dogter van koning Malcolm III van Skotland. Hulle het vier kinders gehad, maar sy seun, Willem Adelin, is voor hom dood. Matilda is in 1118 dood. In 1121 het hy weer getrou, met Adelheid van Leuven. Hulle het nie kinders gehad nie, maar hy het baie buite-egtelike kinders gehad (sien onder).

In 1101 het sy broer Robert met ’n inval probeer om die mag te bekom. Met die Verdrag van Alton het Robert ingestem om Hendrik as koning van Engeland te aanvaar. Robert het egter ’n bedreiging gebly en Hendrik het in 1105 ’n mag gestuur om Normandië binne te val. In 1106 het hy ’n oorwinning behaal. Sy magsbasis in Normandië was egter nie baie sterk nie weens die optrede van Robert se seun, Willem Clito.

Van 1109 tot 1113 en van 1116 tot 1120 het hy oorlog met Frankryk gevoer.

Hendrik is in 1135 in Normandië aan voedselvergiftiging dood.

Opvolgingskrisis

[wysig | wysig bron]

Ondanks die feit dat die baronne ingestem het dat Hendrik se dogter Matilda hom opvolg, was daar twee struikelblokke in die weg: Sy was ’n vrou en sy is ’n tweede keer getroud, met Geoffrey uit die vyandige Franse Huis van Anjou. Hendrik se neef Stefanus van Blois is toe genooi om die Engelse troon te bestyg.

Buite-egtelike kinders

[wysig | wysig bron]

Hendrik I het baie buite-egtelike kinders gehad, van wie hy 20 tot 25 erken het. Baie se moeders was onbekend. Hier volg ’n oorsig van die kinders wat in bronne vermeld word.

By onbekende moeders

[wysig | wysig bron]
  • Robert, Graaf van Gloucester
  • Maud FitzRoy
  • Constance FitzRoy
  • Mabel van Richildis FitzRoy
  • Aline van Adelheid FitzRoy
  • Gilbert FitzRoy

By Edith

[wysig | wysig bron]
  • Matilda FitzEdith

By Ansfride

[wysig | wysig bron]
  • Juliana van Fontevrault
  • Fulco FitzRoy
  • Richard van Lincoln

By Sybilla Corbet

[wysig | wysig bron]
  • Sybilla van Normandië
  • Reginald van Dunstanville
  • William FitzRoy van Constable (onseker)
  • Rohese (onseker)

By Edith FitzForne

[wysig | wysig bron]
  • Robert FitzEdith
  • Adelisa van Adelheid FitzEdith

By Nest ferch Rhys

[wysig | wysig bron]
  • Henry FitzRoy

By Isabella van Beaumont

[wysig | wysig bron]
  • Isabella Hedwig
  • Matilda FitzRoy

Verwysings

[wysig | wysig bron]
Hierdie artikel is merendeels vertaal vanaf die Nederlandse Wikipedia-artikel nl:Hendrik I van Engeland