Henriette Reker

Henriette Reker
Henriette Reker
Reker in 2019
Burgemeester van Keulen
Ampsbekleër
Termynaanvang
20 November 2015
Vise Elfi Scho-Antwerpes
Voorafgegaan deur Jürgen Roters
Persoonlike besonderhede
Gebore 9 Desember 1956 (1956-12-09) (68 jaar oud)
Keulen, Noordryn-Wesfale, Wes-Duitsland
Politieke party Onafhanklik
Eggenoot/-note Perry Somers
Alma mater Universiteite van Keulen, Regensburg en Göttingen

Henriette Reker (gebore 9 Desember 1956) is 'n Duitse prokureur en onafhanklike politikus. Sy is bekend vir haar pro-immigrasie-standpunt en omdat sy die slagoffer was van 'n mislukte sluipmoordaanval. ’n Dag ná die aanval is Reker tot burgemeester van Keulen verkies nadat sy 52,66% van die stemme getrek het.[1] Sy is die eerste vroulike burgemeester wat in Keulen se geskiedenis verkies is. Reker is in 2020 herkies.

Jong lewe

[wysig | wysig bron]

Reker is gebore met Josef Reker en Gretel Martini as haar ouers en het in die Keulen-distrik van Bickendorf grootgeword. Reker se ma was 'n lewenslange lid van die Sosiaal-Demokratiese Party en het na die Tweede Wêreldoorlog uit Neder-Silesië na Keulen verhuis,[2] terwyl haar pa 'n fyngebaksjef was wat sy hele lewe in die Vogelsang-distrik gewoon het.[3][4]

Reker het aan die Liebfrauenschule skool gegaan, waar sy haar Abitur in 1976 voltooi het. Sy het regte studeer aan die Universiteite van Keulen, Regensburg en Göttingen, en haar tweede staatsregseksamen in 1986 by die Distrikshof Münster voltooi.

Tussen 1990 en 1992 het Reker as 'n klerk vir 'n werkgewersaanspreeklikheidsversekeringsvereniging in Bielefeld gewerk, daarna as regsadviseur vir die Staatsvereniging van Gilde-gesondheidsversekeringsfondse in Münster van tot 2000. Sy is in 1996 toegelaat tot die regsberoep.[5]

Politieke loopbaan

[wysig | wysig bron]

Van 2000 tot 2010 het Reker as onderburgemeester vir maatskaplike sake, gesondheid en verbruikersbeskerming van Gelsenkirchen gedien. In 2010 is sy aangestel as 'n adjunkburgemeester vir maatskaplike sake, integrasie en die omgewing van die stad Keulen.

Reken is destyds ondersteun deur die CDU, FDP en Die Groenes, en het in Oktober 2015 as burgemeesterskandidaat vir Keulen gestaan, waarna sy suksesvol verkies is. Sy is in September 2020 herkies.[6]

Verwysings

[wysig | wysig bron]
  1. ↑ City of Cologne: Oberbuergermeisterwahl Geargiveer 20 Oktober 2015 op Wayback Machine, verkry op 19 Oktober 2015
  2. ↑ Fritzsche, Lara; Cadenbach, Christoph (2 Februarie 2018). "Henriette Reker und Andreas Hollstein im Interview". Süddeutsche Zeitung Magazin (in Duits).
  3. ↑ "Porträt der Kölner OB: Wer ist Henriette Reker? – Nicht „die mit dem Attentat"". Kölner Stadt-Anzeiger (in Duits). 14 September 2020.
  4. ↑ "OB Henriette Reker vereidigt: So werde ich die Stadt umkrempeln". Bild (in Duits). 14 Desember 2015.
  5. ↑ "Fünf weitere Jahre im Amt: Kölns OB Henriette Reker hat erneut Geschichte geschrieben". Kölner Stadt-Anzeiger (in Duits). 28 September 2020.
  6. ↑ "Stichwahl der Oberbürgermeisterin/des Oberbürgermeisters Geargiveer 25 November 2020 op Wayback Machine in Stadt Köln, 27 September 2020